【阿濃專欄】「媽！」

真事一件。

電話響……

「喂。」

「阿媽，你要救我！」

「……乜嘢事？」

「我在差館，你拿錢來擔保。」

「你做咗啲乜嘢？」

「我賭錢輸咗，被人追債，我懷疑佢出千，嘈起上來，打架收尾，上了警局。阿Sir話要告我行為不檢，要1000文保釋，等上庭。」

「衰仔我講過多少次要你戒賭，你至今死性不改！」

「阿媽，你唔好咁煩，快啲拿1000文來西灣河差館，我個朋友在門口等你，你交給他就可以。」

「我邊有1000文，全屋只得幾十文。」

「你去銀行攞啦，順路。」

「銀行收工啦！」

「有提款機。」

「我唔記得密碼。」

「你真是冇鬼用！去隔離借啦！」

「你話我冇用？你好有用咩！讀書不成，份份工做唔長，幾十歲人，一毫子未拿過返來，剩係識攤大手板。」

「阿媽，現在唔係教仔的時候，你唔想我在差館過夜，就想下辦法啦！我求下你囉！」

「我這世人不曾向人借過錢，而且同隔籬唔熟。你準備在差館過夜啦，當買個教訓！」

「阿媽你唔係咁忍心嗎？我明日一早有份工要見，你唔想我失約嘛！」

「見工？見乜嘢工？你識做乜嘢？一個人最冇出息就是呃老人家！呃佢地冇知識，呃佢地錫仔女，這種人豬狗不如！你洗定八月十五，準備坐監啦。」

這位「阿媽」掛斷了電話。她今年87歲，唯一的兒子已在10年前去世。

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。