星8卦｜「男主角」爆紅有先見之明 娶「女主角」開公司肥水不流別人田

自從因為合作同「女主角」撻着，「男主角」覺得自己都玩夠，係時候停落嚟，加上佢比「女主角」大一個對嘅歲數，滿足爹系性格，對方又嗲自己，完全滿足雙方需求，簡直係天賜良緣。

由於係以結婚為交往大前提，兩個人拍拖已開始為未來鋪路。「男主角」好快成立咗自己嘅公司，將一定爆嘅製作，同自己又投緣嘅藝人全部簽到旗下。老實講，「男主角」捱到今日名利雙收唔容易，後生嗰陣為頭家搞到焦頭爛額，佢唔出聲默默捱，所以訓練出一種好知人艱難嘅體貼。

「女主角」算好彩，遇到「男主角」嘅人品咁好，以前佢口碑唔多好，都因為男朋友而更受歡迎。兩公婆拍住上，跟住佢哋嘅台前幕後都讚有個好老闆，遇到乜事「男主角」都好大方幫忙，好多藝人一簽就好多年，最重要兩公婆都有啲財力勢力，唔憂無嘢做。

如果真係唔夠工開，佢哋就自己搵老細埋班等大家有錢搵，其實藉住兩個人嘅名氣，間公司又係自己，根本長做長有。「女主角」仲有個威猛契爺照住，對於有腦有遠見嘅人，成功係必然嘅，更何況心地好，捱得苦，上天有啲回報都好合情理！

相關文章：

星8卦｜「有腦」幫「闊少」生仔以為得寵 用橋生多個終於出事

星8卦｜「痴情」錯愛「男主角」自力更生 「姐姐」捱窮幫手養仔女有情義

星8卦｜「平胸」靠「中佬」北上打通脈絡 唯利是圖簽大公司夠絕情

《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF

想睇更多精彩內容，請立即瀏覽「區區有申訴」活動專頁，https://bit.ly/41hgS9E

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。