韓國7人男團EVNNE周日來港開Show 超愛90年代港產片睇《重慶森林》搵創作靈感丨獨家
去年9月出道的韓國7人男團EVNNE，將於周日(10/3)在港舉行首次亞洲巡演《2024 EVNNE FAN-CONCERT [SQUAD:R] ASIA TOUR IN HONG KONG》。開Show前，搵7子傾吓偈，及叫7子拍段同《頭條日報》讀者打招呼嘅片。
TEXT:SZE WAI
問到點解會揀香港作為韓國以外的亞巡首站，MUN JUNGHYUN(文淨泫 )就話：「我哋一直都知道香港ENNVE對我哋EVNNE有幾大支持，所以想直接展示我哋嘅舞台跟香港ENNVE交流，所以我哋以愉快的心情做好準備。」香港出名夜景靚，YOO SEUNGEON(劉昇彥)都認同：「聽講香港維港夜景非常靚，我好鍾意睇夜景，所以好想去睇吓。」
雖然EVNNE年紀輕輕，但都熟悉香港電影，特別係90年代嘅港產片。YOO SEUNGEON(劉昇彥)透露：「準備最新專輯《Un: SEEN》時，我哋從90年代香港電影得到好多靈感， 特別係《重慶森林》。」因為越洋EMAIL訪問，冇得追問，都幾想知7子對《重慶森林》有咩感覺。
韓國電影及劇集深受全球韓迷歡迎，問到7子有冇興趣Show吓演技，LEE JEONG HYEON(李政縣)非常有興趣：「有人話我知，我生得好似台灣演員許光漢，如果有機會同佢合作電影或電視劇，我會好榮幸。」PARK JI HOO(朴祉厚)就好想同前輩 CHANG KIHA(張基河) 或 OH HYUK(吳赫 )合作。而YOO SEUNGEON嘅偶像係CHARLIE PUTH ：「由細到大都會聽同COVER佢嘅歌，可以嘅話，好想同佢合作。」
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
>>>星島網WhatsApp爆料熱線(416)6775679，爆料一經錄用，薄酬致意。
>>>立即瀏覽【生活百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。
