【黃庭桄專欄】是龍？是豬？

李龍基（暱稱Loong基）其實是一個相當有幽默感的人，堪稱冷面笑匠。
　　
上星期他明明一臉嚴肅地表明，不會再接受傳媒訪問，但言猶在耳，每天早上，他去到大欖探望仍然在囚的未婚妻時，還是友善地跟記者們有講有笑，金句連連。
　　
他作為一把「癡心情長劍」，信誓旦旦說過，為了能夠每天都去探監，向未婚妻送上慰藉，他已經把3月份的所有工作推掉和取消，時間只為佳人而留。
　　
不過Loong基認真鬼馬，講一套，做一套，竟然暗渡陳倉，在本月26日，於香港仔中心某酒家，大搞個人迷你演唱會，收四千元一席，唱足三小時，又火速推出新歌《雲淡風清》。
　　
「呢個騷一早安排好，推唔到。」咁又難怪佢嘅，由於售票情況熱烈，要臨時加場兼加價。為免向隅，Loong基只好選擇食言兼食住條水，去滿足基迷吧！
　　
甄妮這個老江湖卻不賣帳，一語道破Loong基是「扮豬食老虎」。哈！你以為他會激到生蝦咁跳嗎？龍游淺水才會遭蝦戲，如今Loong基已是娛樂圈最吸流量的大哥大，一招四両撥千斤，便輕易化解，繼續龍行天下，一於話之你。
　　
「我哋識咗幾十年，現在才知道我是扮豬食老虎的人，咁佢都有少少失敗！」看！一招反手勾拳，已經K.O.甄妮。
　　
然後Loong基再來一個終極自嘲，立於不敗之地，「其實我只識扮豬，我由頭到尾都是豬。」肖虎的Loong基，自己才是猛虎，想幾時開餐食豬，幾時餓虎擒羊，盡在掌握之中。如今又頓變一隻儍豬豬，幾咁卡娃衣呢！
　　
一日有Loong基，娛樂圈依然是花生遍地。

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。