星8卦｜「珠珠」約正印講數二女共侍一夫 大婆智慧發言擊退小三

論出唔到戲嘅表表者肯定非「珠珠」莫屬。話說拍緊大製作嘅時候，佢同「扮型」打得火熱，做吓做吓當正自己係「扮型」老婆。最抵死係兩個人真係放工後就返「珠珠」屋企過夜，「扮型」唔知點解又呃到「乾淨」喺屋企睇住兩個細路唔諗咁多。

「珠珠」玩得好認真，咁多年除咗同「巴閉」拍過吓拖，其他都係食散餐，可能「巴閉」令佢留低啲童年陰影，霸道得嚟完全無晒自由。從此「珠珠」有種怪僻，鍾意做第三者，覺得唔使負責任，自由自在。但今次佢竟然想同「扮型」公開關係，最奇係佢主動約「扮型」同埋老婆「乾淨」出嚟，好坦白咁話自己好愛呢個男人，如果「乾淨」唔介意，可以二女共侍一夫咁話，嚇到「乾淨」唔識反應。

「乾淨」定過神就同「珠珠」分析，佢而家只係鍾意戲入面嘅老公，只係假象，「扮型」絕對唔係想像中咁好，而且唔排除將來會有第四、五者，到時佢自己又傷心難過就無人同情，因為自己作為大婆，係唔會放棄阿太嘅身份，「珠珠」就算真係同「扮型」一齊，都只係永遠嘅第三者，對自己一啲好處都無。「珠珠」聽到「乾淨」一番肺腑之言，果然好快就清醒番，同「扮型」斬纜。

 

相關文章：

星8卦丨「小鮮肉」「猛男」相知多年 為真愛隨時隱退

星8卦｜「整形」恃「肥伯」錫以為有樓揸手 被踢爆包養小鮮肉一刀兩斷

星8卦｜「長人」無溝仔運長期陷苦戀 「媒人」打救嫁「專業」執尾籌

《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF

想睇更多精彩內容，請立即瀏覽「區區有申訴」活動專頁，https://bit.ly/41hgS9E

《星島申訴王》一周年生日送大禮，正舉行問卷調查，參加者有機會獲得足金串飾、Rasonic 電飯煲、英皇電影禮券及一田超市現金券，點擊答問題贏大獎：https://bit.ly/3P4s70j

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。