何沛珈演爭仔戲Cut機攬住劉佩玥喊 緋聞男友阮浩棕提早5小時到場服侍丨獨家

TVB「胸猛小花」何沛珈(Roxanne)憑索爆身材成為焦點,自前年參加《香港小姐再競選》奪冠後曝光率大增,再於《新聞女王》中被性侵,兩分半鐘含淚獨白戲,睇到觀眾心都痛贏盡好評。成功彈起的Roxanne獲監製王心慰重用,在新劇《非份之罪》單元「恐怖情人」中孭重飛,孖住力捧姐仔劉佩玥(Moon)演出。日前兩人拍攝一場爭執戲,戲內爆Seed演繹,戲外喊到收唔到聲,Roxanne緋聞男友阮浩棕更全程照顧周到,暖男認証。採訪:方騫平 攝影:鄧國良

劉佩玥帶住27歲何沛珈拍新劇孭重飛,更狂讚後者冇得頂。
劉佩玥帶住27歲何沛珈拍新劇孭重飛,更狂讚後者冇得頂。

 

何沛珈喊住哀求Moon放人。
何沛珈喊住哀求Moon放人。

 

當晚劉佩玥及何沛珈於火炭一所工廠大廈拍外景,劇情講述這對好姊妹因為阮浩棕嘅感情瓜葛發生爭執,兩人先口角繼而隻揪。雖然頭段未有阮浩棕戲份,但他以睇位為理由,提前5小時到場照顧緋聞女友Roxanne,遞水、遞紙巾外,又會幫手望吓個pad墊得好唔好,擔心女友拍動作戲會受傷,超細心。 

緋聞男友阮浩棕好關心Roxanne。
緋聞男友阮浩棕好關心Roxanne。

 

阮浩棕無啦啦被鬧

由於係重頭動作戲,現場由武指指導兩人走位、推撞等動作,排咗幾次兩人就埋位自動波。鏡頭前Roxanne喊住哀求Moon讓愛,Moon超投入喊到聲嘶力竭,爆喊拒絕,兩人演得七情上面,相當入戲,投入到cut機後仍然喊到收唔到聲,要攬到實嚎哭1分鐘先平靜到情緒。喊到飽嘅Roxanne深呼吸一下,又喊又笑向在旁「暖男男友」發洩,怒斥:「臭男人好壞,男人真係信唔過!」無啦啦捱轟的阮浩棕,一臉尷尬為自己打圓場:「劇情需要、劇情需要…」

兩人Cut機後仍攬住喊到收唔到聲,阮浩棕唔敢講嘢。
兩人Cut機後仍攬住喊到收唔到聲,阮浩棕唔敢講嘢。

 

瞓身肉搏好似真打

最後因為講唔掂數,兩女大打出手,Moon為求脫身大力將Roxanne推開,後者跌落紙箱火速爬起身追住Moon,然後全速撲向Moon後腿,被拖後腳的阿Moon就大大力用腳撐開Roxanne,兩人喺地下拉扯肉搏,非常肉緊,連劇組都忍唔住講兩句:「嘩!睇佢哋幾狠呀!所以唔好得罪女人。」雖然只係短短幾分鐘鏡頭,但因為要試位,演員又要加保護墊,加上拍唔同角度,足足搞咗成晚才大功告成,Roxanne喺阿Moon帶領下發揮到超水準演技。去年「馬來西亞最喜愛TVB女主角」劉佩玥睇好Roxanne「up and coming」:「佢工作態度好好,最重要會感恩。」

Moon大力將Roxanne推向紙箱。
Moon大力將Roxanne推向紙箱。

 

Moon因為太投入,戲外都係咁喊。
Moon因為太投入,戲外都係咁喊。

 

兩人瞓身喺地上拉扯肉搏。
兩人瞓身喺地上拉扯肉搏。

 

跑馬拉松keep身形

已習慣捱打的阿Moon笑言公司知她捱得兼抵打,所以呢幾年拍咗唔少動作戲,包括《城寨英雄》、《隱形戰隊》等,由一開始手腳唔協調,到𠵱家有少少進步。問到瞓身為公司搏到盡,係咪邁向視后必備元素?Moon強調做人好簡單,入行10年都只求今日好過昨日,做好自己,每一日過得開開心心。阮浩棕補充話:「演員唔係為獎而做好角色,最重要觀眾睇到有表現。」對於fit爆身形成為焦點,Roxanne說:「咁我跑開馬拉松,所以keep到身形。」她最慶幸由《寵愛Pet Pet》演開心護士;到《新聞女王》被性侵嘅堅強排球隊隊長,觀眾終於睇到她另一面。Moon再勁讚Roxanne:「佢真係好索㗎!𠵱家我哋再熟絡啲,睇到佢努力及勤力一面,佢仲好有心做主持,真係冇得頂。」

去年劉佩玥成為「馬來西亞最喜愛TVB女主角」得主。
去年劉佩玥成為「馬來西亞最喜愛TVB女主角」得主。

 

前年何沛珈參加《香港小姐再競選》奪冠及「更上鏡小姐」。
前年何沛珈參加《香港小姐再競選》奪冠及「更上鏡小姐」。

 

《新聞女王》中喊住憶述被性侵過程。
《新聞女王》中喊住憶述被性侵過程。

 

何沛珈於《愛·回家之開心速遞》跳了一場火辣椅子舞。
何沛珈於《愛·回家之開心速遞》跳了一場火辣椅子舞。

 

「胸猛小花」Roxanne心口開窿。
「胸猛小花」Roxanne心口開窿。

 

《星島申訴王》已推出全新項目「區區有申訴」,並增設「我要讚佢」欄目,現誠邀市民投稿讚揚身邊好人好事,共建更有愛社區。立即「我要讚佢」︰ https://bit.ly/3uJ3yyF

想睇更多精彩內容,請立即瀏覽「區區有申訴」活動專頁,https://bit.ly/41hgS9E

 

---------------------------------------------

>>>立即瀏覽【移民百答】欄目:新移民抵埗攻略,老華僑也未必知道的事,移民、工作、居住、食玩買、交通、報稅、銀行、福利、生育、教育。

>>>即讀【新移民專欄】:新移民第一身經驗,與你分享當下年輕移民生活日常大小事,即讀「新移民專欄」。

>>>下載【星島新聞(加拿大版) 】App,隨時看到最新最快新聞:
iPhone:https://apple.co/2IBi812
Android:https://bit.ly/2Pe8anu

>>>訂閱【加拿大星島網電郵快訊】,每天可收到最快新聞資訊電郵:
https://www.singtao.ca/subscribe/singtao.php

>>>立即關注加拿大星島新聞網TG Channel,讓加國新聞無遺漏全天候向你推送:
https://t.me/singtaoca

>>>訂閱CCUE YouTube 頻道,查看更多吃喝玩樂、生活資訊影片。
點擊以下6大平台 接收加拿大新聞及生活資訊
share to wechat

延伸閱讀

延伸閱讀

阮兆祥神還原「何太」後再有新角色爆紅!驚人回春變大眼尖臉美男子

細細粒喪減143磅公開深罅泳衣照 有腰有胸搵到錢等王祖藍介紹筍盤丨獨家

Alina羨慕男友Stanley見天后Rihanna 歐鎮灝透露演唱會考記憶力無提詞機

前最靚主播丘靜雯峇里做姊妹晒火辣泳照 曾被索妹搶鏡 原來仲有靚女閨密

都市網新聞