中年好聲音2丨林若盈被淘汰！35歲陳俞霏孖16歲XiX唱跳 被周國豐嘲似媽媽
TVB歌唱真人騷《中年好聲音2》進入白熱化階段，今晚（3日）十強將與《聲夢》學員拍住上爭奪九強席位！安雅希與黃洛妍演唱《我不難過》，遇強越強的兩人展現高超唱功，獲得92分，成為成今集的MVP。
相關閱讀：中年好聲音2丨林若盈攻入十強屢被批賣慘 家中欠債棄歌手夢再出發竟未獲網民同情？
《中年好聲音2》哪些選手闖九強？
顏米羔《紅色跑車》打頭陣
今晚由42歲顏米羔與27歲彭家賢Rock爆唱《紅色跑車》打頭陣，以紅色外套上陣的二人十足兩兄弟，更特意為是次演出設計小舞步，勢要Rock爆舞台！伍仲衡大讚有穿透力：「呢啲歌顏米羔實食冇黐牙，你好啱唱rock歌，好有火呀，Zayden今日做咗助攻，唔搶之餘好幫到米羔個Vocal。」張佳添笑言：「感覺好正，好似哥哥帶住細佬揸架紅色跑車去溝女！」最後兩人獲得88分。
接著輪到黃劍文、金永衡，拿著結他自彈自唱《我真的受傷了》獲得85分；林若盈與趙小婷演唱《一加一》只得80分，陳慧嫻更直說她們揀錯歌：「你哋今晚表現好似大家唱遊咁。」35歲的陳俞霏與平均年齡只有16歲的女團XiX唱《全身暑假》，齊齊以Y2K打扮上場，勁歌熱舞大晒青春活力，主持婉婉笑言：「好似媽媽帶啲小朋友去Playgroup咁！」周國豐笑言：「俞霏真係要多謝呢五位小妹妹，好青春活力，令到我呢啲叔叔睇完好開心，即使有個媽媽陳俞霏喺度，成件事都好有說服力。」陳慧嫻聞言即加把嘴笑謂：「我加入都好有說服力，完全唔覺得俞霏係媽媽，最多咪係大咗2年嘅家姐！」肥媽則搞笑指俞霏造型「不合格」。最後陳俞非獲得87分，成績不俗。
沈宗賢與趙紫諾相差26年
獻唱《一眼瞬間》的沈宗賢、趙紫諾（Sabrina）是年齡差距最大的一組，前者41歲、後者15歲，足足相差26年。宗賢是出了名的重炮手，人仔細細趙紫諾則擁有一把雄渾聲線，「最萌年齡差」最終擦出不一樣的火花！雖趙紫諾廣東話進步了不少，但普通話出名水皮的伍仲衡仍堅持對著趙紫諾說普通話：「Sabrina唱得很好，但是你很像很怕他，好像被迫的！」陳慧嫻說：「宗賢今次係最有男子氣概嘅一次，但就好似蝦緊Sabrina咁，感覺唔似一首情歌。」張佳添則笑指：「15歲妹妹對住40幾歲叔叔，你想佢點啫，我合埋眼聽已經好開心！」兩人獲得89分。
《我們的愛》劉威煌＋劉倩彤83分，伍仲衡直說：「呢幾對都好似父女咁，全部都生得出。」不過兩人似乎不太合拍，只得83分。古淖文與《亞洲超星團》冼靖峰合唱祝君好， 獲得91分！肥媽大讚：「以前啲撈味、指住個camera嗰啲冇晒，feel到你啲真心啊！真係好好！」而最後出場、演唱《灰色》的陳蒨葶與文凱婷則獲得84分。林若盈最後還被淘汰，十強止步。
其他文章：
中年好聲音2丨十強陳蒨葶14年前出道曾穿浴袍賣樓掀熱話 胞妹同樣識跳唱仲拍過廣告
中年好聲音2丨譚輝智攻入十強隨時跑出！馬主爸爸是建築工程公司東主 自揭已婚有子女
中年好聲音2丨陳俞霏出道10年曾奪新城組合獎！曾斥香港樂壇Old School 自揭不愉快童年
《星島申訴王》一周年生日送大禮，正舉行問卷調查，參加者有機會獲得足金串飾、Rasonic 電飯煲、英皇電影禮券及一田超市現金券，點擊答問題贏大獎：https://bit.ly/3P4s70j
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。
>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。
iPhone：https://apple.co/2IBi812
Android：https://bit.ly/2Pe8anu
>>>訂閱【加拿大星島網電郵快訊】，每天可收到最快新聞資訊電郵：
https://www.singtao.ca/subscribe/singtao.php
>>>立即關注加拿大星島新聞網TG Channel，讓加國新聞無遺漏全天候向你推送：
https://t.me/singtaoca
>>>訂閱CCUE YouTube 頻道，查看更多吃喝玩樂、生活資訊影片。
