陈瑞辉Frankie出新歌剖白内心世界 否认被团欺与Ian最啱key
![](https://media-proc.singtao.ca/photo.php?s=https://media.singtao.ca/wp-content/uploads/master_sandbox/2024/03/2024030217164774873.jpg&f=jpeg&w=815&q=75&v=1)
陈瑞辉(Frankie)首支派台作品〈皮思苦〉是他自己的内心剖白,让大家知道有时外界对他可能有误解,但其实眼看到都未为真,有时要深入了解,才会看到真正的陈瑞辉。早前他便为歌曲拍下〈MV〉,以几可乱真的场景,来比喻别人看不到他那鲜为人知的一面。
〈皮思苦〉由Oscar填词,在沟通的过程中,Frankie发现:“原来我同Oscar都有好多共通嘅谂法,觉得如果由佢担任MV导演,可以将〈皮思苦〉嘅精髓放入MV里面,所以我就邀请佢执导,并采取绝对嘅信任。”而Oscar就以虚幻嘅场景,来比喻Frankie的个性。Frankie介绍道:“Oscar起初同我讲个Idea,系将镜头入面睇到以为系真嘅嘢,再Show清楚俾大家睇嘅时候,原来系假㗎!听完觉得好得意,但又觉得好难实现到,不过Oscar将想法实现晒,例如我身上用纸造嘅白色西装,仲有灯同电话蛋糕,真系冇谂过全部嘢都咁像真!唔知大家睇MV,发唔发掘到边啲系真,边啲系假呢?”
![Frankie直言是一个比较单纯、直接和慢两拍的人。 Frankie直言是一个比较单纯、直接和慢两拍的人。](https://image.hkhl.hk/f/1024p0/0x0/ll/sthl/5177933f9d38ddb09e13e2d7cb411116/2024-03/2024-02-28_09_26_28_.jpg)
说到大众对自己的误解,Frankie说起过去一次遭遇,他说:“试过去睇戏,散场好多人,有个Fans见到我,想揾我影相,但因为喺扶手电梯,好多人,唔方便停低,我就婉拒了,后来发现佢有dm我话唔开心。呢件事我都唔开心,但我又唔可以直接同佢讲原因何在,又冇时间交代清楚就要赶住走。其实成日都有好多呢啲我做得唔好、做得唔足够,令大家对我期望有落差嘅事情,但自己总觉得唔紧要啦,大家之后都会明白,同埋Fans都会知道真正嘅我系点样,会继续支持我,有大家继续陪伴就足够。”不过出道5年,Frankie觉得这些落差都有所累积,所以都很希望透过行动,让大家见到自己真正的一面,但同时他亦会继续做好自己,而推出〈皮思苦〉就是第一步。
Frankie又举出了另一个例子。作为MIRROR的成员,在参与团综时,Frankie总予人是团欺的对象,但Frankie道:“我又唔觉得系团欺嘅,大家都睇得好开心,我又尝试去Enjoy落去,感觉都OK㖞,先会有咁嘅形象出现。以前嘅我未必系咁,但久而久之,镜头以外,我都变成系咁喇!呢啲系自己不知不觉嘅转变,但其实我系比较单纯、直接、慢两拍嘅人。”
Frankie特别谈及与陈卓贤Ian早前在MIRROR演唱会一同担任其中一晚的彩蛋,观众见二人拖手合唱,尖叫声震耳欲聋,Frankie戴了耳机也清楚听得见。正当大家以为这是罕见的CP,但其实Frankie与Ian份属好友,Frankie道:“我同Ian最夹系Lay Back嘅态度,譬如对于一件事嘅感受,Alton、AK会即时表态,但我同Ian都系唔会即刻分享感受嘅人,会谂过度过先讲出口,而Ian系会附带行动力,谂完会出声表达想法,而我就会唔讲出口居多,但其实我哋好多嘢都有相同嘅想法。”Frankie笑言,往后日子除了要以最自然、最真的一面,面对镜粉、皮宝宝,面对大众外,同时亦会像Ian一样亦要添加一份行动力,让大家更了解陈瑞辉是怎样的一个人。
《星岛申诉王》已推出全新项目“区区有申诉”,并增设“我要赞佢”栏目,现诚邀市民投稿赞扬身边好人好事,共建更有爱社区。立即“我要赞佢”︰ https://bit.ly/3uJ3yyF
想睇更多精彩内容,请立即浏览“区区有申诉”活动专页,https://bit.ly/41hgS9E
>>>立即浏览【移民百答】栏目:新移民抵埗攻略,老华侨也未必知道的事,移民、工作、居住、食玩买、交通、报税、银行、福利、生育、教育。
>>>即读【新移民专栏】:新移民第一身经验,与你分享当下年轻移民生活日常大小事,即读“新移民专栏”。
iPhone:https://apple.co/2IBi812
Android:https://bit.ly/2Pe8anu
>>>订阅【加拿大星岛网电邮快讯】,每天可收到最快新闻资讯电邮:
https://www.singtao.ca/subscribe/singtao.php
>>>立即关注加拿大星岛新闻网TG Channel,让加国新闻无遗漏全天候向你推送:
https://t.me/singtaoca
>>>订阅CCUE YouTube 频道,查看更多吃喝玩乐、生活资讯影片。