蘇振維欣賞Edan夠專業期待跟黃子華合作 拍《盜月者》撞樣「專家Dickson」被關注丨獨家
賀歲片《盜月者》票房直迫2500萬，除3個MIRROR成員加張繼聰和白只外，當中不少角色被關注，包括演「馬文舜」Edan（呂爵安）「郵局條針」的「童童」蘇振維（Ray），演藝畢業的他是舞台劇專業演員，戲中演繹自閉人士神似加上撞樣《100毛》「專家Dickson」被留意。採訪：杜杜
自2019年演藝畢業後，29歲Ray便加入「中英劇團」主力演舞台劇，《盜月者》是他第1部超過1組戲份的電影，「副導演嘅女朋友以前同我合作過，推薦我去試鏡。」他收到角色簡介後做足準備，知道「童童」有自閉症，就參考幾年前演過的特殊人士角色，「佢哋叫我樸素啲唔好整頭化妝，我仲帶咗啲小道具，掛咗個證件套喺頸，又插咗支原子筆，加埋小動作，不停咁撳筆。」
同Edan對戲好爽
Ray因為做足功課，順利被袁劍偉導演選中做「童童」，電影上映後更被外界誤會是「專家Dickson」，他也覺得很好笑，「自己演嘅時候完全唔覺，但我平時會戴眼鏡，讀書時已成日俾人話我似佢，哈哈！」首度跟鏡仔合作，他大讚最多對手戲的Edan，「佢好專業又好熟流程，同佢對戲好爽。」當然「爵屎」應援福利亦令工作份外愉快，「下午茶食豬扒包同奶茶，已經超正，工作人員話試過食長腳蟹𠻹！」
Ray完全冇預計電影上映後，「童童」會受關注，「拍嘅時候冇預計有咁多人去討論，不過袁導真係好有心，講真佢冇必要出個post去介紹我，我又唔係隸屬佢公司，真係會多咗人留意我嘅演出，幾開心收到好多留言，有啲會話『因為你下次會入場睇舞台劇』，幾好喎！」入行近4年，Ray不介意演出平台只想做個好演員，最想跟偶像黃子華合作，「我第1次接觸舞台演出，就係睇佢嘅棟篤笑。」
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
《星島頭條》新網站有更多精彩內容：http://www.stheadline.com/
>>>星島網WhatsApp爆料熱線(416)6775679，爆料一經錄用，薄酬致意。
>>>立即瀏覽【生活百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。
