籌備月底婚禮 讚盛勁為易話為 麥明詩認恨嫁趕生B

「十優港姐冠軍」麥明詩與機師男友盛勁為早前在社交平台公開求婚畫面，並將於3月底在香港舉行婚禮。昨日麥明詩公布婚訊後首度公開現身，出席日本美妝活動，全程甜笑。被問到是否主動求婚時？她笑指未婚夫為人無所謂，爽快答應去澳洲影婚照，她坦言當中因素想趕生B，最緊要結果達到。
麥明詩昨以準新娘姿態穿白色Tube Dress現身，婚禮在即的她笑言全力保持最佳狀態，始終壓力大，想方法鬆弛心情，勤力健身，更透露處理婚禮事宜九成由她負責，因為圈中朋友自己較為熟悉如何安排，另外一成未婚夫負責叫自己的家人及朋友參與。她說：「佢好配合我，我負責做，佢就負責同意。有唔少朋友會喺籌備過程中有好多意見，我哋絕對無呢個情況，佢叫我唔好咁大壓力、Hea啲！」問到由她還是盛勁為主動求婚？她笑指對方為人無所謂，早前提議在澳洲影結婚照，他爽快答好，更否認自己心急結婚，「我只係怕麻煩！唔想件事迂迴曲折、細節程序唔太拘謹，只想將繁複事情縮短。」
讚性格積極樂觀
提到未婚夫揚言想多生B，麥明詩坦言也想，但視乎身體狀況，「我覺得生小朋友唔好得一個，都想有個伴，好似我照顧媽媽有哥哥一齊同心協力。」可會介意被指恨嫁？她表示香港大部分女生想結婚多過男生，因女性受生理因素局限，就算恨嫁也很合理。問到是否想趕生B而結婚？她承認是部分因素，「最緊要結果達到，如果我係男生都未必想結婚住。自己唔怕醜，我都覺得佢鍾意我。（提出結婚到目前都係由你主動？）唔係！係雙向。（你喜歡未婚夫甚麼？）我喺佢低谷時期同佢比較Close，但見到佢好積極同樂觀心態去改善生活，未來生活好多難關，我相信佢會同我一齊解決呢個難關。」