星8卦｜「整形」恃「肥伯」錫以為有樓揸手 被踢爆包養小鮮肉一刀兩斷

都怪「整形」太貪心，跟住「肥伯」咪好囉，但又博自己呢排好得寵，所以自己畀咗首期，趁樓市低咗咁多，「肥伯」一定肯畀埋條尾數。結果「整形」博得就博嘅心態，終於俾「肥伯」一次過順便講埋以後唔再照顧佢。「整形」結果連訂都要撻埋，筆錢仲要問屋企人借，搞到冚家為錢心煩，日嘈夜嘈，最衰怪自己同「肥伯」話要買樓時，對方聽錯銀碼，以為係十分一價錢，後嚟知佢咁大貪，梗係順勢斬纜。

其實「肥伯」懷疑咗「整形」一段時間，因為有人見佢同「奀星」一齊又食又玩，「奀星」勝在後生，同「肥伯」除咗有錢之外乜都無嘅情況下，「整形」以為自己好叻，一邊收錢賣身，一邊就貼錢養仔。「肥伯」於是搵私家偵探跟蹤，發現「整形」唔只「奀星」一個，仲有啲唔知邊度嚟嘅講國語嘅小鮮肉，雖然心知「整形」都係靠肉體搵食，但你用我啲錢去玩就梗係唔得，於是借買樓件事一拍兩散。

不過患難見真情，「整形」同「奀星」依然仲喺埋一齊，雖然日子艱難啲，但「奀星」情願出去打工養家，可以有戲拍都靠「整形」用以前嘅人脈嚟拉攏，互相支持吓都叫有個伴，「整形」心有不甘㗎，但自己個朵臭晒，賣都無人要，惟有踏實做人啦！

 

相關文章：

星8卦｜「長人」無溝仔運長期陷苦戀 「媒人」打救嫁「專業」執尾籌

星8卦｜「鬼妹」以為「高大」係良伴 成賭局犧牲品要睇心理醫生

星8卦｜「後生女」識錯人被威脅 「老竇」痛心求大機構出手幫忙

《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF

想睇更多精彩內容，請立即瀏覽「區區有申訴」活動專頁，https://bit.ly/41hgS9E

 

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。