陳淑芬入行50周年搞成品紀念展 展出唐唐失而復得哥哥「影後」靚相

「天星娛樂」總裁兼資深製作人陳淑芬(陳太)自1973年加入「華星娛樂」，及後1993年創辦「天星娛樂」，在業內貢獻50年，見證和推動香港整個演藝行業的進步及興旺，優異成績得到各方的認可。陳太將在3月21日至5月19日於澳門倫敦人4樓的敦煌宴會廳舉行《陳淑芬•星星相識50年．紀念展》，展出陳太多年以來的工作成品，為隆重其事，陳太更邀請了好朋友殿堂級美術指導張叔平，及攝影大師夏永康Wing Shya擔任策展人，屆時觀眾可以免費入場參觀。

陳太喺業界50年，地位崇高得到認同。

 

陳太為配合50周年活動，設計一系列紀念精品。

 

陳太於3月舉行《陳淑芬•星星相識50年．紀念展》。

 

陳太表示：「張國榮(哥哥)喺我嘅演藝生涯佔有一個好重要位置，而今次紀念展得到唐鶴德借出更多哥哥嘅珍藏品，所以我特別騰出一個比較大嘅空間去展示呢批無價寶，單喺哥哥嘅展品有超過100件。」陳太特別鍾情哥哥在1990年1月22日《告別樂壇演唱會》的「影後」Pose相：「嗰張相哥哥好鍾意，我哋集合晒演唱會台前幕後嘅人，比如有梅艷芳、關錦鵬等喺相後簽名，喺慶功宴上送畀哥哥，所以好值得紀念，哥哥對張相鍾愛程度，每次往返港、加兩地都會帶住，但自從哥哥走咗之後，唐唐搵咗10年都搵唔返，只係知道已帶咗回來，直至3-4年前聖誕節突然出現返喺屋企，唐唐形容係失而復得嘅喜悅，第二年當作生日禮物送返畀我，因為對我嚟講係最寶貴嘅一樣嘢，所以今次會預留重要位置分享呢張相。」

今次紀念展陳太得到唐鶴德借出更多哥哥嘅珍藏品。

 

呢張好有紀念價值嘅「影後」相，唐唐終於搵得返喇。

 

除此之外，《陳淑芬•星星相識50年．紀念展》還會有珍貴的照片和演出片段、80及90年代的黑膠唱片、《風雲音樂劇》的舞台服飾、歷年的演唱會海報，當中更有不少是珍藏簽名版、工作證、場刊及紀念冊等，所有展品共800多件，也會展示演出團隊的深情感言，屆時進場參觀者可了解演出台前幕後業者的心聲。

早年陳太已安排演出活動。

 

1981年成立華星唱片，打造張國榮及梅艷芳係巨星。

 

陳淑芬和陳柳泉跟鄧麗君合作。

 

張天愛、葉倩文、鍾楚紅和陳太好老友。

 

1996 Beyond的精彩演唱會。

 

1996年舉辦張國榮跨越97演唱會。

 

1979搞Dolly Parton香港演唱會。

 

《陳淑芬•星星相識50年．紀念展》將展出珍藏簽名黑膠唱片。

 

陳太與梅姐在東京音樂節。

 

1986年創辦恒星娛樂，哥哥係旗下藝人。

 

1993年開始營運天星娛樂。

 

當年陳太同羅文合作無間。

 

哥哥更被打造成為天王巨星。

 

展出超過100件哥哥珍藏品。

 

 

陳太及哥哥情如母子。

 

主辦許冠傑個唱。

 

同歌神張學友搞巡演。

 

和林憶蓮合作。

 

同樂壇4大天王有合作。

 

至於陳太將於3月23日於澳門倫敦人綜藝館舉行《陳淑芬．星星相識50年．演唱會》，門票將不作公開發售，陳太說：「今年剛好係我70歲生日，我會邀請過去50年星星相識嘅圈中好朋友參與演出，係佢哋送畀我最珍貴嘅禮物，我也希望和大家分享這份寶貴禮物。」另外張叔平設計了一系列精美的紀念品，包括配合主題的紫色色系嘅行李喼、水杯、手挽袋、熱水瓶等。
 

《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF

想睇更多精彩內容，請立即瀏覽「區區有申訴」活動專頁，https://bit.ly/41hgS9E

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。