歐鎮灝 黃浚銘 黎展峯笑談人生目標 拍《飛黃騰達》同床瞓10日速變戰友丨獨家

George（歐鎮灝）@P1X3L、Boris（黃浚銘）、Andy（黎展峯）在ViuTV劇《飛黃騰達》首合作已同床瞓足10日，相當難忘。對於「飛黃騰達」，三子都有不同定義，Andy認為租到地方開Studio已算；Boris希望拍到一部如《奇異女俠玩救宇宙》的代表作；25歲的George就覺得心中富有最重要，好識諗但跟年齡完全不符。採訪：杜杜 髮型:Terry@Yonda Hair(Boris)、Kevin Liu@myös(Andy) 化妝:Irene　Lee(Boris)、Davina@CyrusLeeMakeUpTeam(Andy) 服裝:@armaniexchange(George)、@sense_store(Andy)

劇集共30集拍足半年，George、Boris和Andy由唔熟變老友。

 

劇集共30集拍足半年，George、Boris和Andy由唔熟變老友。

 

劇集共30集拍足半年，George、Boris和Andy由唔熟變老友。

 

Boris和Andy均首次拍劇，同樣認為最難是豁出去。由YouTuber轉做演員的Boris說：「拍Youtube唔會咁赤裸騷晒畀人睇，所以令到我好冇自信、好驚。」Andy就因為角色反差大，「角色比較理性，但我係感性啲，好容易跳咗出嚟，帶咗自己感受落去演。」

Boris飾演在便利店打工的「Jayden」，夢想成為股神。

 

Boris飾演在便利店打工的「Jayden」，夢想成為股神。

 

劇中George和Boris都好冧Ivy So（蘇雅琳）@COLLOR。

 

冇本錢唔識投資

3人能夠熟絡，除開拍前劇組安排他們等12個主要演員，跟朱栢謙上了8堂戲劇工作坊外，加上拍攝期間更試過同居。Boris說：「有10日都喺西貢好早開工，索性租咗間酒店，大家瞓埋一張床，因為嗰段時間真係共患難，有咩唔開心就呻，有種革命情義喺度。」Andy補充，「我哋有咩諗唔明，就會去浴缸浸冰水，靜思己過。」George都話：「嗰段日子真係好難忘！」

演富二代「Ming少」的George，靠投資比賽證明自己。

 

演富二代「Ming少」的George，靠投資比賽證明自己。

 

3人參加投資比賽，對手戲超多。

 

因為冇本錢，3人都對投資認識不多，至於心目中的「飛黃騰達」，Andy笑言最希望好似英皇老闆一樣富有，「梗係想好似楊博士咁啦！但短期可以租到地方做studio已經好滿足。」Boris就覺得真正的「飛黃騰達」並非是金錢上，「突然多咗好多億身家會唔會唔同咗？！我做嘅嘢應該會一樣，最想好似A24拍到《奇異女俠玩救宇宙》，就真係飛黃騰達。」George聲稱睇得好化，心中富有最緊要，「有啲嘢錢未必會買到，必需要經歷過同見識過，所以我唔會諗咩代表作，每個作品100%咁做，再睇返覺得不足就改。」

​ Andy是被投資公司裁員的「Billy」，藉投資比賽翻身。

 

Andy是被投資公司裁員的「Billy」，藉投資比賽翻身。

 

3人為方便拍攝，租酒店一齊住。

 

 

《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF

想睇更多精彩內容，請立即瀏覽「區區有申訴」活動專頁，https://bit.ly/41hgS9E

 

《星島頭條》新網站有更多精彩內容：http://www.stheadline.com/

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。