葉振棠有慰問李龍基：唔敢畀意見 自嘲80歲頭腦簡單讚「嫩妻」畫逼真 丨獨家

上個月的娛樂版好精彩，李龍基「嫩妻」王青霞（Chris）的黑材料揭極都有，圈中人都被捲入，皆因「嫩妻」有鋪送畫癮，曾高調送出超過50幅畫風及質素不一的「自家畫作」，受惠的包括視帝、視后及政壇人物，連基哥老拍檔葉振棠都「有幸」收到，對於「大師」的畫作，棠哥讚畫得好逼真，再問到基哥事件，他坦言有「食吓花生」，又希望老拍檔可以好好解決。採訪：方騫平

80歲葉振棠不問世事，最緊要身體健康。

 

棠哥為環星娛樂年初一播出嘅網上節目獻唱。

 

葉振棠、Joe Junior無意退休。

 

葉振棠、Joe Junior惺惺相惜。

 

全城關注73歲李龍基跟年輕36歲未婚妻王青霞的「爺孫戀」風波，後者的黑材料日日新鮮，花生指數極高，繼被指借3萬美金走數後，學歷亦疑似造假，連畫作都係淘寶貨，甚至被踢爆冒認繆騫人女兒，又傳她18年跟基哥一齊時已跟美軍結婚，頭頂滲綠色的基哥懶理Chris有成噸黑材料依然力撐：「過去嘅由得佢過去，佢話以後會乖乖哋。」

傳18年李龍基未婚妻王青霞(Chris)跟基哥一齊時已跟美軍結婚。

 

王青霞者的黑材料日日新鮮，花生指數極高。

 

學歷疑歷造假。

 

學歷好可疑。

 

Chris訛稱係機師。

 

基哥即搵修哥幫手力撐。

 

畫作都被踼爆係淘寶貨。

 

Chris畫作喺淘寶有售。

 

 

覺得畫作好逼真

前年5月，葉振棠、李龍基、陳浩德合體做《三生有幸經典演唱會》，Chris曾送上人像油畫，祝賀3人演出成功。油畫以演唱會海報中3人的照片作藍本，畫功逼真，Chris揚言用咗10幾日時間親手繪畫；到了去年7月，熱愛畫畫的Chris再出手，同樣送人像油畫賀老公及葉振棠做《雙生双識演唱會》。曾收過Chirs畫作的棠哥透露油畫仍放在家中，問到覺得幅畫靚唔靚，Chirs係咪好有藝術細胞時？棠哥一臉尷尬笑說：「我唔識呀，我個人頭腦好簡單，當時覺得張畫同影嘅相差唔多，畫得好逼真。」再追問𠵱家會唔會拿出來研究？棠哥帶點尷尬回應：「唔需要，咪當係一幅畫咁囉。」

去年7月Chris送人像油畫賀老公及葉振棠做《雙生双識演唱會》。

 

Chris用咗10幾日時間，參照《三生有幸經典演唱會》海報完成人像油畫。

 

年前Chris高調送畫畀楊柳青，揭發基哥原來「藏嬌」。

 

「叻哥」受惠最多，收埋唔少Chris畫作。

 

送畫兼送花畀煒哥結婚。

 

黎燕珊有受惠。

 

Chris自創嘅老虎圖。

 

送畫畀視帝馬國明。

 

送賀做馬明結婚賀禮。

 

前輩文雪兒都有。

 

Chris敬重羅蘭姐。

 

Chris貓貓畫作。

 

畫筆下嘅李龍基及石修。

 

Chris唔止買淘寶貨，仲會拎外國畫家Rolan Guina作品當成自家作。

 

Rolan Guina作品。

 

熱愛繪畫的Chris常在社交網share畫作。

 

有慰問老友基哥

棠哥跟基哥相識幾十年經常孖住搵食，所以好老友，前者亦有慰問後者，更承認有「剝吓花生」：「其實我冇乜點理啲八卦嘢，只係網上彈出相關新聞，我無意中睇到後問佢發生乜嘢事？佢就講咗少少我聽，(有乜意見畀佢？)我唔敢畀咩提議，唉！基哥都幾十歲人啦，佢應該會解決到，今年我哋暫時都冇合作。」

棠哥和基哥相識幾十年，經常拍住上搵食。

 

兩人堅老友。

 

李龍基、葉振棠識咗幾十年。

 

Chris好識做，繞住基哥及老公親密戰友葉振棠。

 

一把年紀著重健康

另外，今年80歲的棠哥亦有大搞作，除已宣布舉辦最後一次個人演唱會外，並於本月推出最後一張個人唱片，新碟限量推出5000張，扣除成本後全數撥捐奧比斯眼科醫院，幫助跟他一樣有眼疾的病人。他透露新碟由劉德華演繹《忘盡心中情》、譚詠麟唱《大內群英》主題曲、葉麗儀唱《大俠霍元甲》插曲，還有張衛健、夏韶聲及周吉佩等唱他過往的經典名曲。棠哥有感而發，自言一把年紀身體健康最重要，因為年紀越大視力會越差，𠵱家他只得正常人10份一的視力：「都擔心唔到咁多咯，唯有面對現實，尤其紅館機關重重，做show前要走多幾次位，小心為上。」

棠哥推出最後一張個人唱片，收錄譚詠麟唱《大內群英》主題曲。

 

葉麗儀唱《大俠霍元甲》插曲。

 

《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF

想睇更多精彩內容，請立即瀏覽「區區有申訴」活動專頁，https://bit.ly/41hgS9E

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。