獨家丨尹光有跟得老婆冇機會臨老入花叢 一提李龍基即封口拒睇網民留言

在樂壇54年的尹光(光B)憑實力執個尾彩，去年被網民以A.I技術惡搞製作「翻唱版」《一人之境》及《Dear My Friend,》後爆紅，更因形象正面，又受年輕人歡迎令到工作量大增，甚至打入商台《叱咤》「我最喜愛的男歌手」最後5強。對於Keep紅心得，79歲尹光直言：「自己為人一向正經，真金不怕洪爐火。」採訪：方騫平

尹光望龍年身體健康。

 

尹光今年會和瑪姬合唱一首rap歌。

 

尹光謙稱喺瑪姬身上學嘢。

 

光B最重要祝願身體健康。

 

上周，環星娛樂老闆張國林聯同尹光、瑪姬、魯振順、姜蓓莉、莫旭秋、吳江倫等為年初一網上節目《金龍報喜賀新年》錄影，大唱新年歌。光B坦言去年尾及今年頭都好旺，接咗唔少商演及廣告，農曆新年前還會先跑一轉美國登台，年初八就往澳門演唱，財源滾滾來，但最重要都係身體健康。

尹光隨環星娛樂老闆張國林、瑪姬等錄影新春網上節目。

 

光哥與大馬女神林明禎齊搵真銀。

 

尹光和樂壇新貴Kakit(鄧家杰)拍廣告。

 

喬寶寶、尹光、朱咪咪到佛山登台。

 

去年尹光嘅《 dear myself》勁hit。

 

開心為陳蕾執衫變暖男

光B強調，多年來無論去邊都會帶埋老婆李麗儀，零機會臨老入花叢：「兩公婆成日一齊，好聽嘅話係恩愛，又可以話我冇老婆服侍唔得！」雖然多年來被指唱鹹濕歌，感覺唔正經，但真金不怕洪爐火：「我一向做人正當，𠵱家啲歌被讚正面，最搞笑連喺《叱咤》幫陳蕾執返件衫都獲讚係暖男，當時陳蕾坐我隔籬，佢外套好大件，但坐嘅凳就好細張，結果上台3次件褸就跌3次，仲會覆蓋我對腳；至於坐另一邊嘅Gin Lee(李幸倪)就冇理，因為冇跌向佢嗰邊，哈！咪唯有焗住執。」雖然食白果，但首次參加《叱咤》的光B仍笑笑口坐足一晚，聽吓一班年輕人唱歌。又笑言今年還會和瑪姬合唱一首rap歌，都會向對方好好學習，因為對方比他rap得更勁。 

尹光做乜都預埋老婆。

 

之前光B去澳門女主僕餐廳拍攝。

 

光B喺《叱咤》中多次為陳蕾執衫。

 

光B恭賀張敬軒成為「我最喜愛的男歌手」得主。

 

光B以學習心態首度現身《叱咤》頒獎禮。

 

光B受年輕人歡迎。

 

到商台接受Do姐訪問。

 

兩公婆和阿姐都好老友。

 

對於李龍基和未婚妻王青霞(Chris)近日是非纏身，光B一聽兩人名字即迴避話最近太忙冇乜聯絡，更指：「網上嘅嘢唔使負責任係人都講得，所以我唔會理，正經嘢先會睇。」

尹光跟李龍基唔係常聯絡。

 

李龍基、王青霞近日成為新聞焦點。

 

光B唔願多講李龍基、王青霞的事。

 

《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF

想睇更多精彩內容，請立即瀏覽「區區有申訴」活動專頁，https://bit.ly/41hgS9E

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。