Twins演唱會丨阿嬌唔夠血暫停側手翻動作 阿Sa唔俾193企起身

TWINS SPIRIT 2024演唱會，昨晚來到第9場，阿SA(蔡卓妍)、阿嬌(鍾欣潼)經過兩日休息之後，狀態非常之好，因為觀眾反應超級熱烈，兩人更再安歌兩首歌才完場，讓觀眾滿載而歸。最讓大家最留意的是opening串燒快歌到最後Ending，TWINS取消了打側手翻，外間馬上不少猜測阿嬌第8場打側手翻時跣腳受傷，大會馬上代她發言呈請，「不用擔心， 因為阿嬌呢幾日唔夠血，身體弱D，公司擔心佢再腳軟再跌親會整傷，所以先暫停一下側手翻。」所以歌迷不用擔心，嬌嬌係冇受傷。

阿嬌在演唱會中有不少性感衣著。

 

阿Sa大show她苦練得來的腹肌。

 

阿嬌雖然不夠血，但精神狀態完全沒有影響。

 

為安全計，取消側手翻動作，改為這個作end post。

 

昨晚不少圈中好友也有來支持Twins，握手時阿Sa見到193，即搞笑道，「你唔好企起身啦，你咁高擋住後面，哈哈」引得觀眾也一同大笑，而193亦十分之好，成晚坐低，唔敢企起身，免阻後面觀眾。到Twins講22年感受時，阿SA突然語出驚人，「22年時間真係好長，22年前如果我生咗個仔，佢今年都已經22歲...」阿嬌聞言O嘴不懂回應，觀眾就大大笑大叫，阿SA先再話，「係冇發生到，哈哈哈.....」接著她又說，「你知啦，組合真係難㗎，好多組合行行下走散咗，又或者嗌咗交....我唔係講緊你哋呀ERROR，我都祝福你哋可以行好耐呀....」而肥仔同193則即時兩手緊扣，代表他們ERROR也會堅持相愛下去，讓觀眾笑著拍爛手掌。

除了193，肥仔也有來看Twins。

 

電影《金手指》導演莊文強也有到場支持

 

伍樂城這身打扮，又確實比較難認。

 

有歌迷細心打扮，成功吸引到孖妹注意。

 

Twins演唱會。

 

為TWINS寫下無數經典金曲的伍樂城昨晚也有來捧場，Sa、嬌都分別對他感謝，「冇呢個人，就冇我哋啦。我哋九成的歌都係佢作㗎！伍樂城！」觀眾即報以熱烈掌聲，阿SA握手時，認不出又口罩又帽的金牌作曲大佬，所以安歌時特別再走過去同伍樂城握手，更稱對方為「大佬！大佬好嘢！」讓全場再為伍樂城報以熱烈掌聲。

此外，電影《金手指》導演莊文強昨晚也有到場支持，阿SA多謝導演之外，更賣廣告，「大家睇完我演唱會，就去支持《金手指》啦！」不少歌迷大叫: 「好好睇呀！」「你做得好好！」阿嬌就話，「你哋去睇啦，可能會撞到我。哈哈。」

 

《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF

想睇更多精彩內容，請立即瀏覽「區區有申訴」活動專頁，https://bit.ly/41hgS9E

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。