MIRROR演唱會第14場彩蛋｜大談Ianson 兄弟情 外婆相隔5年再捧場AK感觸落淚 Ian窩心遞紙巾

MIRROR於亞博舉行的《MIRROR FEEL THE PASSION CONCERT TOUR 2024》已進入倒數階段，昨晚(31日)舉行的第14場彩蛋有「IANSON」Anson Kong(江𤒹生)和Ian(陳卓賢)，二人大談兄弟情，而AK的婆婆亦有到場支持，當談到婆婆記憶力漸差時，AK更一度感觸哽咽。

二人在台上猶如情侶般的對答，非常搞笑。

 

Ian寫過不少歌給AK，最後二人選唱《DWBF》。

 

二人的友情由《造星》開始就建立。

 

Ian甫出場時笑言：「呢個組合咁易估，都唔夠好玩」AK表示：「我見好多人留言話想我哋兩個一齊，有啲comment仲過分，叫我喺演唱會上撕開你件衫」AK 續指上一次Ian 的彩蛋與皮皮（ 陳瑞輝 Frankie ）拖晒手，令他有少少唔舒服，Ian 笑言：「你年紀都唔輕啦，走嚟呷醋。」

接著AK分享二人多年來的兄弟情：「好多人都知道我哋兩個由《造星》開始就已經好friend，成日企埋一齊，之後開始有啲故仔寫出嚟。」Ian即刻一臉好奇表示：「咩故仔呀？我冇睇過嘅。」AK續說：「嗰陣時我哋多啲團job就多啲見面，到我哋出咗solo之後，各有各忙，少咗見面，大家就開始質疑佢哋兩個係咪冇以前咁friend，佢哋係咪嗌交呢？」Ian笑説 : 「絕對唔使質疑，事實唔係真係咁friend 」AK 表示粉絲會猜測二人的感情覺得好搞笑，並搞Gag謂：「因為感情呢啲嘢係兩個人嘅事。」Ian 即耍手擰頭表示拒絕，場面搞笑。AK表示網民經常猜測12子之間的感情是無謂的想法：「多謝大家陪住我哋成長，見證我哋唔同嘅高低起跌，但我好想話俾大家知，我哋12個好開心，仍然可以五年之後一齊開演唱會，唱歌俾大家聽。」

二人在台上猶如情侶般的對答，非常搞笑。

 

AK講起婆婆就哽咽，Ian即搭膊頭支持。

 

Ian跟AK性格完全不一樣，但一樣可以成為好朋友

 

AK透露他的婆婆和媽媽昨晚（ 31日）亦有到場支持，並感觸表示：「我婆婆對上一次睇我表演，已經係MIRROR 五年前第一次係Star Hall開演唱會嘅時候，相隔左五年，婆婆開始年紀有大，記性唔係咁好，好開心婆婆可以見證呢個咁開心嘅時刻。」AK一度哽咽，Ian 即窩心去遞上紙巾，AK又更大爆原來江媽媽好鐘意Ian 。

只餘下最後兩場，很多鏡粉都說捨不得。

 

Ian趁今日休息，走去打golf。

 

在二人介紹唱咩歌前，Ian 大數曾為AK寫的歌曲：「寫俾你隻《Blue Monkey》唱得好爽，特登要搵晒全部女仔dancer，《蝸牛》聽咗好多次，成日兩個出嚟都蝸牛，《留一天與你喘息》又唱過。」最後，Ianson 合唱《DWBF》，其間二人又攬腰又搭膊頭，盡顯兄弟情。而今日是MIRROR休息日，Ian亦即時在網上post出打golf相，證明自己有趁今日放鬆心情去做運動，然後以最佳狀態迎接最後兩場。

 

《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF

想睇更多精彩內容，請立即瀏覽「區區有申訴」活動專頁，https://bit.ly/41hgS9E

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。