阿蕭新劇做渣男 預告近乎全裸出鏡

阿蕭預告今次將近乎全裸上鏡，而Jinny就真材實料挑戰睡衣LOOK。

蕭正楠、吳若希（Jinny）、賴慰玲、朱敏翰等昨日出席TVB新劇《奔跑吧！勇敢的女人們》拜神儀式，阿蕭自爆劇中有一場在Jinny面前只穿底褲、接近全裸的場面，Jinny則預告自己在劇中有睡衣LOOK，但毋須裝胸。
蕭正楠笑言戲中跟Jinny同樣是明星，雖然兩人結婚15年，但對方依然很迷戀他，見面時會瘋狂尖叫，又指劇情因意外懷孕而結婚，女方因此退出幕前，但他在婚前曾與賴慰玲有段情，所以產生三角關係，阿蕭笑說：「唔係好多情！一個愛的責任、一個真愛。睇劇本時好多難度，本身婚姻幾美滿，見到男人周旋於兩個女人，啲對白幾自私，好違背我自己囉！」
遇狂粉遭扯衫亂摸
談到現實中是否同樣受太太黃翠如崇拜？阿蕭笑謂：「呢啲唔使講啦！」又透露有場裸露戲只着底褲，幸好身形瘦了、線條變靚。而Jinny則預告今次有睡衣LOOK，但毋須裝胸作勢。
談到可有遇過瘋狂粉絲？阿蕭表示試過有粉絲會扯衫又摸他；而Jinny就笑言成為人妻後就沒遇過瘋狂粉絲，亦很崇拜老公，更讚對方好叻又聰明，又懂得生日時安排驚喜：「佢完全依照我嘅心情去慶祝周年紀念，只要我唔想Book餐廳就唔會有㗎！不過佢照顧個家好叻，我拍劇少時間喺屋企，佢會照顧仔女啲功課。」
賴慰玲朱敏翰齊「肥佬」
賴慰玲就透露戲中與Jinny、阿蕭、朱敏翰的關係錯綜複雜，原本她跟阿蕭拍拖，但對方跟Jinny未婚懷孕結婚，而她跟阿蕭仍然藕斷絲連，不過朱敏翰亦為Jinny抱不平，後來朱敏翰擔任她和阿蕭的經理人。對於今次角色造型，賴慰玲坦言相比以往較有女人味，更會穿性感晚裝上陣，又大讚服裝、化妝及髮型都很靚。至於朱敏翰自爆考電單車「肥佬」，所以今次演出要由替身代勞，有點遺憾，「之前我同賴慰玲、張振朗去咗澳洲拍旅遊節目返嚟，都話要考電單車牌，點知考強制試一齊『肥佬』。我就衰有自信，賴慰玲就掃冧晒雪糕筒，嚟緊我哋都會再考。」

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。