麥明詩盛勁為終認婚訊！公開求婚短片講相識經過 竟是女神主動求婚
現年32歲的麥明詩前年被爆與參加《衝上雲霄大選》的機師盛勁為撻着，去年10月終於公開認愛，更承認二人有結婚共識。日前有攝影師曝光麥明詩婚紗相，令麥明詩婚訊曝光，連日來麥明詩都未有證實婚訊，今晚盛勁為在IG貼出兩人合照，正式宣布婚訊！
相關閱讀：吳業坤演唱會丨麥明詩傳結婚低調現身！坤哥八卦問好友婚訊：佢叫我等吓
麥明詩求婚短片曝光！
麥明詩男友盛勁為今晚（30日）在IG貼出與麥明詩求婚合照，講述兩人的相識經過，正式宣布婚訊！盛勁為指當時疫情後突然失業，當時就是由麥明詩介紹他去《後生仔傾吓偈》，再去《衝上雲霄大選》，盛勁為說：「由一開始大家都冇諗過會有咩發展，但係就愈傾愈投契，而且覺得好mind-blowing，因為我從未遇過一個靚得黎冇脾氣、努力、會替人設想嘅女仔，仲要……」言語間想當sweet。
盛勁為更大爆是麥明詩求婚：「我講笑話，如果我哋結婚，你都要同我求婚先襯得起你性格喎。我真係冇諗過你會記得我呢句說話，然後堅做……好嘢 👍🏼」盛勁為最後更表示：「我希望可以請你食飯食一世啦！」暗示要養麥明詩一世！麥明詩亦分享兩人求婚的照片，簡單留言：「#WeSaidYes」並tag了盛勁為。不少圈中人亦紛紛獻上祝福。
麥明詩入行後情史：
盛勁為IG全文：
以前嘅我，以為自己會單身一世。一個人無拘無束幾咁好😛 但一個疫情，令到以為揸住鐵飯碗嘅我突然失業，原來我並非想像中咁硬淨。
嗰時我哋唔係好熟，但係你聽到我嘅情況，就問：「既然呢排得閒，想唔想去電視台做吓part-time啊？當見識吓、識吓女仔囉。」
聽到有得識女仔，梗係正啦！就係咁，你介紹咗我上去後生仔傾吓偈，再玩衝上雲霄大選，又參與咗一部劇做茄喱啡，見到好多靚女，但最後… 我都淨係識咗一個女仔，仲要本身已經識佢 😕
由一開始大家都冇諗過會有咩發展，但係就愈傾愈投契，而且覺得好mind-blowing，因為我從未遇過一個靚得黎冇脾氣、努力、會替人設想嘅女仔，仲要 🤭…. (下刪一萬字)
同你一齊，冇一刻係浪費時間，我哋每日好似best friend咁一齊玩，一齊游水打波滑雪上山下海，將「情人」同「朋友」呢兩個身份完美結合。我真係好好彩先可以遇到你。
之後我講笑話，如果我地結婚，你都要同我求婚先襯得起你性格喎。我真係冇諗過你會記得我呢句說話，然後堅做… 好嘢 👍🏼
你喺我最需要人support嘅時候出現，我呢世都會記得。我肯定將來我地會面對好多困難，但只要我哋一齊面對，一定可以捱得過
拍拖初期有一幕我到今日都好深刻，你話：「你未resume番，食飯等我請啦，嗱，你一飛返就以後都係你請我食飯㗎啦。」我希望可以請你食飯食一世啦！
其他文章：
36歲麥明詩傳與盛勁為結婚！攝影師曝光婚紗照洩密 被稱「新娘子」
麥明詩結婚丨2021年已撻着去野餐！與盛勁為多次出遊洩蜜 高調隔空放閃
麥明詩結婚｜去年12月首貼與盛勁為合照！男友轉發合照以3字放閃
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。
>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。
iPhone：https://apple.co/2IBi812
Android：https://bit.ly/2Pe8anu
>>>訂閱【加拿大星島網電郵快訊】，每天可收到最快新聞資訊電郵：
https://www.singtao.ca/subscribe/singtao.php
>>>立即關注加拿大星島新聞網TG Channel，讓加國新聞無遺漏全天候向你推送：
https://t.me/singtaoca
>>>訂閱CCUE YouTube 頻道，查看更多吃喝玩樂、生活資訊影片。
