Patrick Sir林溥來父子為女鬧不和？被直擊「爭女」舉動：你有幾愛佢呀
46歲Patrick Sir（林溥來）2016年與關宛珊結婚，現育有2歲囝囝林若嘉（Preemo），一家三口住在市值3千萬的大圍3千呎豪宅。Patrick Sir是暖男爸爸，夫妻倆都經常在IG分享家庭趣事。昨日（28日），Ptrick Sir在IG分享了一條有趣「爭女」片，影片中他與囝囝都說：「媽媽係我老婆嚟㗎」，Patrick Sir更問囝囝：「你有幾愛佢（媽媽）呀」，網民都指父子「爭女」片好好笑！
相關閱讀：Patrick Sir林溥來狂晒校園照竟是學校高層 2歲仔返預備班開心不願走
Patrick Sir父子「爭女」逐格睇：
Patrick Sir與太太關宛珊經常在IG分享家庭趣事，他昨日在IG上載一條爆笑又充滿愛的短片，關宛珊在IG寫說：「《呃人生仔系列》，邊個話生女先嗲？其實生仔先係最嗲，我都唔知我係邊個個老婆喇~不過是但啦~我繼續沉醉喺我嘅愛河，#我哋個BB仔#洋蔥頭Preemo#33m10d」。原來當日剛收工回家的Patrick Sir向太太說：「老婆，我想……」豈料囝囝Preemo複製他的說話，對於「爭女」一事，Patrick Sir接受《星島頭條》記者訪問，他哈哈大笑表示：「嗰日我抱住Preemo食緊嘢，佢坐上嚟我度，我嗌Kimmy老婆，佢一聽完就講『媽媽係我老婆』，我覺得咁搞笑就即刻引Preemmo講多次，同時叫老婆錄低，佢指住自己心口嗰下真係好搞笑，好man呀！」
Patrick Sir不會呷囝囝醋
Patrick Sir指自己身為爸爸當然不會呷醋，反而覺得Preemo好man，最近囝囝更經常與媽媽說：「媽媽係我老婆！」Patrick Sir稱：「可能學緊我啦！佢又唔知老婆係乜啦！開始用啲字玩，或者同我平時一路灌輸佢都有關係嘅，同埋我單獨同Preemo一齊嘅時候，都會同佢講「我哋係男仔嚟，要好鍚媽媽！我哋要保護媽媽！男仔責任感大啲，要保護女仔」，可能咁樣令佢對男、女之間嘅感覺強烈啲。」
Patrick Sir身教做好榜樣
2歲多的Preemo已經口甜舌滑，學習進度快，所以Patrick Sir也會身教做個好榜樣以免囝囝學壞，Patrick Sir說：「佢學嘢快到爆炸，你一講咩，佢就跟，我試過有一次，好好笑，佢試過喺張高櫈度想擒落嚟，好危險，我就反應好快，「喂！」，佢即刻停咗，隔一陣講『喂』，我都忍唔住笑，本來嬲緊佢，依家真係唔可以亂講嘢。」網民也留言笑指，「笑死，兩父子爭女」、「人細鬼大，口甜舌滑，叻仔，係味學嗲嗲呀，身教」、「Preemo越嚟越會更叻仔，睇佢個可愛笑容就知醒目仔嚟」、「終於出現爭媽媽呢個畫面啦，咁妹妹快啲出現啦，一人一個唔洗爭」、「口甜舌滑，真係冧爆啦Kimmy媽媽！仲要讚你靚！真係暈得一陣陣」、「好Sweet.....做媽咪幾辛苦，都唔覺得攰」。
關宛珊也回覆網民稱兩父子「爭女」爭了很久：「爭咗好耐㗎喇！以前用行動爭，而家講到出口，又驚又喜又甜又冧，唔到爹爹呷醋呢，Preemo叻好多，一日錫我一百啖。」
Patrick Sir開心家庭照：
其他文章：
Patrick Sir自爆千呎超級豪宅遭入侵 公屋出身傳身家近1億超勵志
同屋企人去旅行丨Patrick Sir兩歲仔學包糭猴擒偷食勁可愛 關宛珊做一事搞喊老公
Patrick Sir晒學生相曝光鄭嘉穎青澀樣 洪永城反叛Look似韓仔 某健美冠軍本來係肥仔
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。
>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。
iPhone：https://apple.co/2IBi812
Android：https://bit.ly/2Pe8anu
>>>訂閱【加拿大星島網電郵快訊】，每天可收到最快新聞資訊電郵：
https://www.singtao.ca/subscribe/singtao.php
>>>立即關注加拿大星島新聞網TG Channel，讓加國新聞無遺漏全天候向你推送：
https://t.me/singtaoca
>>>訂閱CCUE YouTube 頻道，查看更多吃喝玩樂、生活資訊影片。
