原來視咁的丨張達明升呢演宋世傑養父兼任監製 王浩信做新版狀王「估佢唔到」

談到相隔多年再度參演以宋世傑為主劇集，並多了監製身份，張達明坦言感覺相當不同：「今次角色最唔同係好多特別嘅造型同化妝，係超乎想像嘅。以前演宋世傑時話晒自己第一次做劇集主角，所以要顧掂自己啲台辭同演法先，冇乜點理其他嘢。今次做監製最大分別就係要顧好多嘢，由拍攝方法、搵演員、演員配搭等都要處理。」

王浩信、姚子羚、金剛及王子涵組成的「查案鐵四角」，為了破案奇招盡出。

張達明這個養父在劇中有不少造型。

王浩信得張達明傳授玩扇技巧。

　　談到新任宋世傑王浩信，達明讚不絕口：「佢好稱職，演技好、夠投入同想像力好豐富，我同佢都去過外國上演技深造班，佢好多動作都比我強。呢套劇我主要教佢點玩把扇，其實以前我都唔係專登為咗宋世傑個角色去學玩扇，而係咁啱喺演藝學院學咗一啲京劇嘅技能，就將學咗嘅嘢融入個角色度。而我教完浩信後，佢即刻諗到點用自己嘅方法去玩，仲要好『估你唔到』嘅。」

單元雲集好戲之人

　　談到新版與舊版最大分別，達明笑言是王浩信：「佢比我高大靚仔同威猛好多咯！」並保證新版保留不少舊版可觀元素：「第一姚子羚同郭藹明一樣咁靚同咁打得！宋世傑同玲瓏都係會攜手查案同有好多奇遇。」

劇中宋世傑與白玲瓏的夫妻感情也是焦點所在。

港姐陳楨怡首次拍古裝劇。

古明華和彭迪安有份在單元故事中演出。

最近播出的宣傳片，以惡搞經典廣告歌為主題，希望令人爆笑。

　　與舊版一樣以破案為主的《狀王之王》，除了主線故事發展吸引，5個單元故事個案同樣具追看性，分別為「蜘蛛精殺人案」、「幽靈新娘案」、「滅門縱火案」、「至尊計狀元才」及「使節姦殺案」。單元主角更是齊集好戲之人及綠葉演員，包括古明華、陳浩民、海俊傑、彭迪安、袁潔儀、文凱玲等。

《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF

想睇更多精彩內容，請立即瀏覽「區區有申訴」活動專頁，https://bit.ly/41hgS9E