東張西望丨七旬老婦丈夫突然失蹤？失千元生活費無飯開 劇情大反轉被繼女鬧爆
TVB《東張西望》今集報道一個71歲老婦「梅姐」與86歲丈夫「黃伯」失聯的故事，梅姐更因丈夫失蹤而三餐不繼。與丈夫結婚二十多年的梅姐聲淚俱下說：「點諗到廿幾年都會咁，我一諗到都咁，都唔知點……」不過黃伯女兒卻反指梅姐在家中囤積雜物，黃伯早就想離婚！
相關閱讀：東張西望｜ 梁敏巧極速上位做廠景主持惹不滿 甩嘴食螺絲一日即打回原形？
丈夫入院失蹤老婦三餐不繼？
現年71歲的「梅姐」與86歲老公「黃伯」在26年前於朋友介紹下認識，兩人隨後結婚，同樣是配偶離世後再婚，住在約300呎的自置公屋單位。梅姐指黃伯去年6月發生意外，當時未能聯終丈夫：「我12點幾，1點開始打電話，一直打電話都無人聽，打到4點鐘，佢個女終於聽電話，話阿爸跌親，喺電梯碌落嚟，送咗去東區醫院。」梅姐當時立即趕去醫院，不過因為黃伯女兒未有透露病房及病床號碼，梅姐去到醫院只好去急症室以丈夫的姓名、身份證號碼等資料查詢。梅姐指當時醫生表示黃伯仍在搶救中，後來黃伯情況逐漸穩定，梅姐亦有定時去醫院探望老公。
丈夫出院被繼子女阻撓消息
不過有一日梅姐去醫院探望黃伯時，發現老公突然消失，才知道老公已轉院去東華東院。得知黃伯的病房後，梅姐去東華東院探望丈夫，不過黃伯子女對梅姐卻面有難色，梅姐表示：「次次去醫院都嘈交，『我都唔識你！』就拉埋掛簾，唔畀我睇我先生。後尾我唔理，等佢哋走咗先去，關係一直都好僵。」
到去年8月，梅姐再到東華東院探望黃伯，發現丈夫已經出院：「社工話佢個女安排佢住院舍，我問住邊度，佢叫我問返佢個女。」至8月28日梅姐再打去東華東院詢問，對方表示黃伯已去老人院，但同樣未有透露黃伯下落，而叫梅姐向黃伯女兒詢問。梅姐致電醫院管轄機構旗下的安老院舍，同樣一無所獲；梅姐又指黃伯跌倒後，手機由子女保管，她多次致電亦無人接聽。
繼子女質疑老婦呃錢
黃伯的三名子女均是已故前妻所出，當梅姐與黃伯結婚，搬入黃伯的自置公屋時，三個子女亦已經搬走，梅姐與黃伯子女多年來亦不相往來，梅姐更指當年黃伯全家人均反對兩人結婚，並指因為她年紀比黃伯小，而怕梅姐呃黃伯金錢。黃伯大女原來兩年前已搬回與黃伯同住，不過梅姐指黃伯大女自黃伯入院後，回家沖涼即入房，「唔會同你傾偈」，兩人交惡，所以亦不願意向黃伯大女查詢去向。
老婦靠丈夫每月千元生活費維生
梅姐日常支出全靠已經86歲的黃伯，現在老公不落不明，梅姐連一日三餐亦出現問題：「我以前乜都唔使理，我先生一個月畀1,000蚊我，早餐、午餐錢30蚊，100蚊坐車錢，一個月1,000蚊，夜晚就係我先生煮飯食。而家我先生失蹤，我連1,000蚊最基本都無，夜晚食飯錢都無。」梅姐表示後來她向政府申請傷殘津貼，一個月有2,000元，不過管理費、差餉等，令梅姐入不敷支：「我以前開過走，做唔到嘢，行都行唔到。」
《東張西望》聯終黃伯大女，黃伯大女卻直指梅姐謊話連篇：「佢唔知點樣搵到個電話，打咗去個院長度，個院長同我講返，話問咗我爸爸，我爸爸唔想再見到呢個人。我諗佢隱瞞咗好多嘢，將搞到件事好大，其實中間有好多嘢發生過，始終係病人私隱，如果佢唔想做、唔想講，我亦唔想再多講。」黃伯大女更表示梅姐令在家中囤積垃圾，家中危機重重，所以拒絕安排父親回家。
繼女爆父親早已想離婚？
黃伯大女更指黃伯多次提到想與梅姐離婚：「唔係無啦啦，佢哋生活上已經有好多唔協調，或者係溝通上磨擦。屋企收埋好多垃圾，佢又唔掉，如果我接我老竇返去，佢會再跌親，間屋佢（梅姐）已經佔用晒所有人嘅生活空間。呢啲係家事，我都覺得好失禮，我老竇都唔想提，不過你打到嚟，我覺得有需要同你交代一聲，我唔想你淨係單方面聽佢講，叫佢自己檢討下。」不過梅姐則表示黃伯從未提過與梅姐離婚，而梅姐亦終於聯絡到黃伯，黃伯更在電話中表示：「我想返，我早就想返，我想返去過年。」明日《東張西望》將繼續跟進個案。
其他文章：
東張西望丨業權問題引致精神病？梁敏巧追訪被狂叫中年婦鬧爆「死XX」 當場嚇窒呆企
東張西望丨荃灣中年婦日夜狂嗌玩謝街坊疑撞鬼？ 光顧超市爭手推車瘋狂大叫職員反應大不同
東張西望丨屯門屋邨中年漢涉接連非禮幼童！受害家長控訴愛女被「貓狗」𠱁入屋遭狼手
《區區有申訴》答問題送盆菜，現正進行利是公價問卷調查，編輯部會揀選最具創意的得奬者，送出價值$1698「新春佛跳牆盆菜」套餐或價值$198「五福臨門煲」︰ https://bit.ly/3Ucj7tg
《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
想睇更多精彩內容，請立即瀏覽「區區有申訴」活動專頁，https://bit.ly/41hgS9E
>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。
>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。
iPhone：https://apple.co/2IBi812
Android：https://bit.ly/2Pe8anu
>>>訂閱【加拿大星島網電郵快訊】，每天可收到最快新聞資訊電郵：
https://www.singtao.ca/subscribe/singtao.php
>>>立即關注加拿大星島新聞網TG Channel，讓加國新聞無遺漏全天候向你推送：
https://t.me/singtaoca
>>>訂閱CCUE YouTube 頻道，查看更多吃喝玩樂、生活資訊影片。
