原來視咁的丨徐榮現實老友變劇中好兄弟 馬國明有老婆姊妹新劇中做拍檔

以航空實感專業劇作招徠的《飛常日誌》，將於1月15日起、逢周一至五晚8點半在翡翠台播映，劇中隸屬不同部門的馬國明、高海寧、洪永城和徐榮，4人在機場中合作無間，默契十足，從中建立出深厚buddy情，而現實中4人亦同樣friend過打band！

高Ling性格男仔頭，三個人夫亦當她是好兄弟。

4人當中「百搭王」徐榮和馬國明、洪永城最為老友，徐榮受訪時透露與馬國明在讀訓練班時已認識，相識逾20載，他笑言：「我哋大家都鍾意踢波，會成日約埋一齊踢波，反而合作真係比較少，對上一次已經係《紫禁驚雷》，我哋係做兩兄弟，都差唔多十幾年冇真係合作！」至於洪永城，徐榮透露兩人合作過《大帥哥》，同時亦是「跑友」，講到今次與兩位老友合作，徐榮說：「非常開心，大家都係比較有經驗嘅演員，都入咗行一段時間，所以好快磨合到，一埋位就好有默契！」

劇集很多時都要到機場真實取景。

徐榮和洪永城都已經做了父親，不知剛新婚的馬明幾時會有好消息宣佈?

現實Buddy情轉入劇中

　　講到4人劇中的buddy情十分突出，馬明受訪時笑言：「本身同高Ling都好熟，之前都合作過幾套劇，而佢同我老婆（湯洛雯）又係好friend。徐榮就係我廿幾年波友，我同佢私底下係無所不談嘅好兄弟，洪永城雖然唔係波友，但佢性格本身好多嘢講，好識搞氣氛，佢呢種性格好易同佢做到朋友。劇中我哋4個好多時都會有合作，所以建立咗一段友誼出嚟，咁啱我哋現實又咁老友，好易將真感情轉入劇中，希望觀眾都鍾意我哋4個buddy啦！」

高Ling和蔡思貝都好老友，兩人早前孖住做靚湯姊妹。

蔡思貝飾演馬明前妻，難得二人再見亦是朋友。

　　另外，馬明與在劇中飾演其前妻的蔡思貝亦甚有淵緣，兩人於2017年的《心理追兇Mind Hunter》首次合作，今次則是首度飾演一對。思貝與湯洛雯亦是好友，早前馬明與靚湯在泰國蘇梅島結婚，思貝更孖住高Ling飛到當地做姊妹。