啟德地盤男工人猝死 遺孀哭訴：今朝出門口仲同個仔有講有笑
一名46歲姓黃男工人今日（12日）被工友發現昏迷在啟德承富里地段6551號工地內的休息室，送院搶救後不治。噩耗突如其來，家屬悲痛不已，死者生前是一家經濟支柱，與太太結婚逾10年，育有一名8歲大的兒子，她向《星島頭條》表示，丈夫在地盤任職十多年，雖患有高血壓，但近日未有透露不舒服，今早上班時未見異樣，詎料數小時後卻天人相隔，一家頓失依靠，「佢好錫個仔，今朝出門口返工仲同個仔有講有笑，佢無留低積蓄畀我哋，而家唔知點算好」。
死者生前與太太及兒子，同住沙田水泉澳邨一公屋單位。黃太表示，丈夫任職地盤十多年，平日一星期至少休息一兩日，雖然身體肥胖，患有高血壓，但不需長期服藥，平日在家都有用血壓計量度血壓，「佢話身邊有朋友有高血壓暈低咗，之後覺得人到中年要check住，就叫我買血壓計每朝都度」。她指丈夫近日未見異樣，亦未聽聞有不舒服，「今朝出門口返工佢（丈夫）仲同個仔有講有笑， 望落都好正常咁，但去到朝早10點幾，嗰陣我仲去緊學校幫個仔買書就收到醫院電話，話叫我快啲過嚟」，可惜趕到醫院後，卻收到丈夫離開的消息。
相關新聞：啟德兩地盤工人一昏迷一受傷 其中一人搶救無效
黃太指與父親關係融洽的兒子得悉父親突然離世後，不發一言，「佢無出聲亦都無喊，應該擺喺個心度」，現時需在嫲嫲家中暫住。她透露兒子在學校的成績名列前茅，並入讀精英班，參加大大小小的比賽亦獲得優良成績，縱使丈夫收入不穩定，但對兒子卻無微不至，而她最近亦出外兼職幫補家計，希望兒子能夠培育更多興趣成材，「佢好錫個仔，成日都會帶佢去食嘢，又帶佢去迪士尼，前排個仔數學評估拎到100分，佢仲話要獎勵個仔，話個仔想要乜都會買，點知個仔未講要咩，佢就走咗喇」。
提起丈夫與兒子的生活點滴，黃太不禁流下眼淚，「阿仔鍾意砌lego，一粒一粒咁自己砌，前排佢（丈夫）仲喺聖誕節買咗個lego畀個仔，而家就咁走咗，佢無留低積蓄畀我哋，而家唔知點算好」。
---
《星島申訴王》推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgY
>>>星島網WhatsApp爆料熱線(416)6775679，爆料一經錄用，薄酬致意。
>>>立即瀏覽【生活百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。
