馬浚偉首日返新城任首席營運總監 私人生意全交家人瞓身電台2月有節目巡禮
去年12月中，52歲的馬浚偉突宣布離開港台及暫別幕前工作，當時他透露會在1月中公布新動向，昨日新城電台就宣布馬浚偉出任新城廣播首席營運總監，並於今日（10日）開始履新。
身穿灰色西裝、拿著公事包、咖啡及左手戴著紀念爸爸戒指的馬浚偉於今早8:45分精神奕奕現身新城，新城廣播有限公司總經理（商務及市場拓展）梁耀宗亦特意迎接，馬浚偉透露今次出任新城廣播首席營運總監是在去年11月舉行演唱會時，用了兩星期與新城董事局得到的共識：「其實件事都幾急，不過我又唔會用急，係覺得上天安排好有趣，所以我同成個董事局都覺得件事好得意，點解可以咁順利咁快，亦都好感激有呢個機會，同管理層亦都好有默契，同算係我自己嘅範疇。」至於新城方面為何會找他，他就不願透露詳情，但笑言早在1993年入行時已來過新城，又強調事情發生很快：「所以12月嗰陣同大家講我有其他決定，包括我要重組所有工作，同一直做得好開心嘅港台請辭，雖然港台係合約形式，但都好多謝佢哋包容，另外更加重要嘅係我自己嘅業務，我全部都要放手交晒比屋企人同管理團隊，包括我嘅學校、教育嘅嘢、製作同咖啡生意，所有我都全部唔參與，但就保留返公職同學業。」雖然工作繁忙，但馬浚偉表示即將又有新的公職出現，因為他認為公職大部份都很有意義，所以自己不捨得推辭，又大讚自己在時間管理上處理得幾好，而為了尊重新的工作崗位，他亦已向大學和神學院請了三個月假期。提到待遇？馬浚偉表示很舒服的薪酬，因為集團較大，故福利也比較完善，而工作方面的挑戰也是很吸引，但他指薪酬並非第一考慮，自己最重要考慮的是在這個崗位中可以做什麼：「我鍾意挑戰，同埋我想喺唔同崗位做更加多嘅嘢。」他又笑指自己已經很久沒有做全職工作，問到是否有做過上班族？他說：「梗係有啦，（幾耐之前？）一畢業就做，我出咗嚟打咗五年工先入娛樂圈，入咗娛樂圈30年，之前TVB對我嚟講又唔係上班族嘅感覺。」
馬浚偉又謂想全心做好新城的工作，所以會暫停幕前工作一段時間：「工作量亦都大，因為本身我工作崗位要兼顧嘅嘢非常多，而我亦都睇到好多好令我振奮嘅空間，點將新城所有台做得更好？對我嚟講好有挑戰性，同埋好興奮，可以將我過去學過嘅嘢擺落新城。」
新官上任的馬浚偉表示新城將會有很多大計，亦透露會在二月份舉行新聞發佈會及節目巡禮，至於是否有壓力？他表示沒有，自己亦跟不同的機構合作過，就算新城也有很多認識的朋友，又指返工前也有跟薛家燕、葉文輝及范振鋒等人聯絡過。
《星島頭條》新網站有更多精彩內容：http://www.stheadline.com/
>>>星島網WhatsApp爆料熱線(416)6775679，爆料一經錄用，薄酬致意。
>>>立即瀏覽【生活百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。
