專訪丨ERROR自嘲「騎呢怪」 呻團歌少難爭獎 大爆肥仔「精子」最活躍

ERROR成軍5周年，除在室內遊樂場舉行兩場《ERROR五週年樂園之旅》粉絲見面會外，早前更推出新團歌《四五成群》，四位成員梁業（肥仔）、何啟華（Dee）、郭嘉駿（193）及吳保錡（Poki）早前接受《星島頭條》訪問，分享出道5年的感受，更大爆誰的「精子」最健康。 

ERROR分享出道5年的感受

文：Cynthia 圖：鄧國良

新歌《四五成群》找來梁栢堅填詞，寫盡四子之間最赤裸的「兄弟情」，193表示：「之前他寫《我們很帥》的時候，已經很了解我們，我有講話想五周年做啲兄弟情嘅嘢，肉麻啲、『基基地』嘅兄弟情都唔介意。」

未來發展繼續「佛系」
近年娛樂圈新人輩出，被問有何優勝之處？Dee自嘲「四個騎呢怪」在眾人不睇好的情況下，殺出自己天地，這個獨特性是無法取代，193亦表示：「我哋搞笑又得，又會唱歌，好多唔同層面，𠵱個娛樂圈係唔多人有咁多面向，仲要做埋一隊boy band，嗰個獨特性令到我哋喺市場仍然有競爭力！」講到未來發展方向，193似乎對公司有點微言：「我哋一年得一首或兩首團歌，根本冇可能可以打到一個組合獎返嚟，希望我哋一年有四首，咁就可以有機會爭到組合獎頭三名，但係𠵱家連入場券都未有，有啲難，所以我哋都『佛系』。」

肥仔自爆精子活躍度最高

保錡

193對公司有微言

DEE估肥仔最快結婚

保錡

肥仔

193笑肥仔最大機會奉子成婚

Dee自嘲ERROR是「四個騎呢怪」

至於四子都年屆30，問誰會搶先成家立室？Dee就毫不猶豫估肥仔：「因為佢身體報告狀況係非常好。」肥仔亦自爆：「根據精子活躍程度，我暫時係四個入面最高嘅！」193亦笑謂：「都feel到肥仔唔係一個好小心嘅人，所以都有機會做爹哋，然後奉子成婚。」

《星島頭條》新網站有更多精彩內容：http://www.stheadline.com/