獨家丨尹光被指硬推入「男歌手」五強做「反鏡」武器 懶理口水戰：鍾意講乜就講乜

唱了60年歌的尹光（光B），憑住AI版尹光《一人之境》、《Dear My Friend,》等歌，獲歌迷推入商台「叱咤我最喜愛男歌手」5強，79歲才「處男」下海跟盧瀚霆、姜濤、陳卓賢及張敬軒爭獎。對於被捧成大熱引發口水戰，有人撐亦有大量反對聲音，光B自爆1月1日前都會「蒙着眼睛」唔再睇留言，已買定戰衣靚仔現身頒獎禮的他對攞獎表示隨緣，坦言：「畀我咪要，冇求過就唔會失望。」採訪：方騫平 攝影：譚志光

明年80歲嘅尹光要學發哥多做善事。

 

尹光坦言個個獎都想攞。

 

唱好歌才是尹光目標。

 

光B話自己曾奪過多個獎狀。

 

尹光做人好開心。

 

受到年末商台《叱咤》全民投票的相關搜尋帶動，尹光首度打入「搜尋人氣榜2023」十大，人氣高企。不過，光B對此矇查查，他輕鬆自在說：「佢鍾意排我第幾就第幾囉，又唔係我排，我冇乜所謂。」

光B憑住AI版尹光獲年青歌迷追捧。

 

光B人氣急升。

 

歲數差距大冇得鬥

光B殺入商台「叱咤我最喜愛男歌手」5強，有指網民硬推他成「反鏡」武器，亦有指尹光得獎，會玩爛個獎，尹光對被狙擊完全唔上心：「都有人話我唱得鬼咁好，網上評論有好多，有彈有讚，初期都有留意，但越睇越亂，乜都唔知係最好，所以就唔再上網，佢哋鍾意講乜就講乜，唔好上心，因為曹操都有知心友；關公都有對頭人，要全部人鍾意你好難，盡量爭取時間休息好過。」他強調自己一向不着重獎項，只重視唱歌：「因為希望越高怕跌落嚟會受唔住，我都冇求過就唔會失望，所以頒獎禮前夕一啲都唔緊張，緊張就會有壓力。」當問到係咪想攞我最喜愛男歌手」時？他並冇掩飾：「想就個個都想嘅，隨緣囉，畀我咪要，(攞到算老懷安慰？)老懷一早有，79歲都叫安慰啦。」但他又補充：「我同班後生邊有得鬥呀？大家歲數距離咁遠，佢哋仲有大把前途？我哋已晚年仲爭啲乜啫？爭到健康已好好，我最重要係健康。」曾有指樂壇欠他一個獎，光B指自己得過好多獎，只係唔記得係乜獎。

尹光跟盧瀚霆、姜濤、陳卓賢及張敬軒爭「叱咤我最喜愛男歌手」。

 

Anson Lo曾於《叱咤》中奪大獎。

 

姜濤不能忽視。

 

尹光上月開紅館個唱，張敬軒拍片支持。

 

月初喺方俊嘅私人宴會上，變成尹光拉票活動。

 

尹光獲好友方俊(右起)、環星唱片老闆張國林、梅小青、劉家豪力撐。

 

 

 

拉票海報。

 

 

光B個唱有兒孫撐場。

 

低俗鹹濕突然升格

多得AI版尹光，光B多人留意咗，尤其係年青人，不時在街上被瘋狂「集郵」。問到跟張敬軒同Level出戰叱咤的光B，自覺現時在樂壇地位時，他謙虛笑說：「人哋係阿公，我只係小B，就算佢好似廣告中講想做返軒仔，阿仔都大過阿B啦。」光B形容現階段都算由樂壇低層「升呢」到中上層，又不忘幽自己一默：「以前啲歌被視為低俗鹹濕，𠵱家竟被指高級好聽，其實咪又係一鬼樣。」語畢光B拋出金句：「所以『話你唔好，唔好嬲；話你好好，又唔使咁開心』做人要平平淡淡過，《Dear Myself》歌詞都有得唱『我唱著無無聊聊從未太閃耀』，因為自己冇叻過，只係唱歌唱得耐，多人識啫，當然多人識咗梗係有少少開心，年尾一口氣接咗20個廣告，連接Job價都高咗2至3成，但唔好講錢，明年80歲想回饋社會搞個慈善騷，自己一個仙都唔收。」

《Dear Myself》唱出尹光心聲。

 

《Dear Myself》惜入唔到「最喜愛歌曲」5強。

 

前港台DJ周國豐都承認光B啲歌歌詞太激，以前從冇播過。

 

光B憑住AI版尹光獲年青歌迷追捧。

 

登台失聲全程「咪嘴」

另外，光B在《萬千星輝賀台慶2023》獨唱《Dear Myself》及半首《大笪地》，被網民質疑「咪嘴」唱歌，光B理直氣壯表示歌曲熟到爛唔使「咪嘴」，但就唔反對「咪嘴」：「『咪嘴』都係嗰個人唱啫，最重要好聽，有時跳得勁會有喘氣聲。」他指做歌星好慘，遇上失聲要打開聲針會好傷身，作為觀眾都唔想歌星咁辛苦，就算間中咪兩隻歌都好閒。他又自爆曾失聲，在外地登台時咪足全場，但觀眾一樣唔介意，仲睇得好開心。

光B否認喺《萬千星輝賀台慶》中「咪嘴」唱歌。

 

年尾廣告不絕。

 

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。