粉嶺圍命案│報案人親述：下身只著底褲 咀唇耳仔發黑 以為佢凍死！

22歲內地來港碩士生參加毒品派對，被注射冰毒死亡後，更棄置街頭。重案組探員拘捕涉案3男，分別控以誤殺及非法處理屍體罪。本月23日首先發現屍體報警的鄭先生表示，當日天寒地凍，以為事主暈倒凍死，「佢耳仔、咀唇同手都黑晒，僵硬晒，以為佢凍死，冇諗過係命案！」

相關新聞：上水22歲內地來港碩士生伏屍街頭 疑涉毒品派對 警拘3人涉誤殺及非法處理屍體

報案人鄭先生親述發現屍體經過。梁國峰攝

鄭先生指着死者當日伏屍的位置。梁國峰攝

其中一名疑犯帶到粉嶺圍村屋單位重組案情。梁國峰攝

探員帶同代表死者的假人公仔到場，進入涉案村屋單位。梁國峰攝

疑犯被蒙頭帶入涉案村屋重組案情。梁國峰攝

相關新聞:22歲內地碩士生透交友apps參加派對遭注射冰毒針死亡 被棄屍街頭 警拘3男

鄭先生在村內做水渠工程，自言與村民非常熟稔。以他了解，死者非租客，「佢係去租客度玩」。當日見到事主仰卧空地，上身穿黑色衛衣，下身僅著內褲，耳仔、咀唇及手都發黑，「僵硬晒，已經死咗，唔需要急救，面向天，以為佢凍死，有啲村民成日喺度痾尿，以為佢飲醉酒，夜晚伏低咗，凍死咗，成個人咀唇黑晒，耳仔黑晒，手黑晒，基本習慣上以為佢係凍死，因為夜晚咁凍。所以冇諗過係命案。」

鄭先生坦言聽村民說，附近村屋不時有人開派對，發出嘈音，「周圍貼晒紙禁止醉酒鬧事，否則即時報警。」他說這裏好多原居民將村屋出租，死者不是租客，是入去租客單位玩。 

---

《星島申訴王》將推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF