獨家丨譚旻萱演戲冇信心喊住求重拍 葉念琛欣賞首見面夠Casual有個性

23歲「籃球女神」譚旻萱（Mandy）接捧成為葉念琛鏡頭下第18個「阿寶」，跟台灣文藝男神陳昊森演出愛情新片《不是你不愛你》。Mandy坦言對鄧麗欣(Stephy)嘅「阿寶」印象最深，最欣賞Stephy直率性格。又稱首做女一壓力大，試過隔住個Mon睇陳昊森演戲都會喊。採訪；方騫平 服裝：sacaiofficial( 譚旻萱) 配飾：lemandorle.official 髮型：Chris cheng 化妝：Zoe Fan 服裝：@majeparis(林熙彤)髮型：Haffman cheng 化妝：Maggie LEE(梁仲恆) 髮型：Ray LAU @iihairandnail形象及服裝：harveynicholshk #HNHK #HNStyle 化妝：Florey Leung@floreyleungmakeup(葉念琛)

譚旻萱對演戲越來越感興趣。

梁仲恆(左起)、葉念琛、譚旻萱、林熙彤用心拍《不是你不愛你》。

Mandy唔介意係咪做女一，反而放眼演技上。

林熙彤認為拍掌摑高妹情敵戲最難。

葉念琛一直有留意具潛質的新一代藝人。

梁仲恆（阿炳）帶領一班新演員，發揮做助教功能。

譚旻萱、林熙彤、梁仲恆合作愉快。

葉念琛一直有留意具潛質的新一代藝人，眼中的Mandy好有個性，還爆料：「話晒我都係葉念琛呀！初次茶聚閒聊，佢對我Casual到冇嘢咁，只係簡單表達想演喊戲，而嗰種Casual感覺好獨特，反而值得欣賞，做演員係需要有個性。」Mandy尷尬補鑊：「我心裡尊敬佢。」之後葉念琛便創作了「男仔頭阿寶」角色，並以花園街為背景，帶來本土風味愛情故事，當中有夢幻式初戀、暗戀、單戀；亦有痛哭的失戀。

Mandy及陳昊森有激咀場口。

片中「生果佬」阿炳暗戀Mandy。

譚旻萱係新一代女神。

譚旻萱、陳昊森有好多感情戲。

壓力大嫌NG太少
獲Stephy鼓勵，首做女一嘅Mandy有壓力，壓力來自NG太少，對演戲信心唔夠，質疑感情戲拿捏得唔夠好：「有次我慌到喊住要求導演拍多一次；又試過匿喺更衣室培養情緒，後期心情沉重到隔住屏幕睇陳昊森演戲都會喊。」作為導演，葉念琛強調冇得鬧演員，唯有好似教練鼓勵運動員咁，著她要相信導演判斷及對自己有信心：「拍前我畀鄧麗欣喊戲佢睇，感受吓氛圍，而且盡量順住情緒去拍。」片中Mandy有咀戲，她稱籃球場係熟悉地方，置身其中反而輕鬆自在。葉念琛笑言錫到嘴都乾，因為拍足幾個鐘頭。

至於梁仲恆（阿炳）演Mandy青梅竹馬好友，葉念琛指阿炳帶領一班新演員，發揮做助教功能，阿炳謙稱：「互相畀吓意見，都係想做好件事啫。」Hazel(林熙彤)認為拍掌摑高妹情敵戲最難，除節奏要掌握得好，也要突破兩人身高差：「試咗10次，吓吓都打得中，嗰日我好內疚。」

Hazel係MC(張天賦)《老派約會之必要》MV女主角。

Mandy被封為「籃球女神」。

方力申及「阿寶」鄧麗欣合作嘅《獨家試愛》最經典。

Mandy拍完呂爵安嘅《E先生連環不幸事件》MV後人氣急升。