70年代花旦黃淑儀嘆影視圈冇戲畀老嘢做 入行初期不敵pillow talk慘被炒魷

黃淑儀在70年代與汪明荃，李司棋和趙雅芝同被譽為TVB四大花旦，當時她們四人包辦不少電視劇之演出，至今成為了經典劇集。但原來黃淑儀當時報讀麗的映聲第二期訓練班，未畢業已經被安排配音和報道新聞，最後因為人事糾紛，不敵pillow talk而被炒！

【相關閱讀】：黃淑儀細仔徐肇平生日獲3位TVB花旦包圍好艷福 曾與呢位視后傳過緋聞

【點擊睇黃淑儀昔日演出】：

黃淑儀與李司棋同是麗的映聲第二期藝員訓練班學生。

黃淑儀受訓期間被安排到配音組工作。

黃淑儀曾是新聞主播，在新聞部報告天氣。

黃淑儀與趙雅芝老公黃錦燊（左）亦非常要好，黃淑儀與趙雅芝丈夫是好友。

黃淑儀（右一）當年與汪明荃、李司棋及趙雅芝，是70年代當紅的TVB花旦。

被稱為「TVB四大花旦」之一。

黃淑儀（左二）70年代婚後產子仍有不少工作，70年代尾結束第一段婚姻。

不過80年代黃淑儀再婚。

黃淑儀與李司棋同是麗的映聲第二期藝員訓練班學生。

黃淑儀移民加拿大。

參與過不少劇集之演出。

加入TVB後黃淑儀與李司棋曾合拍劇集《抉擇》、《世界名劇選-彌》、《書劍恩仇錄》及《蕭十一郎》等。

2000年代黃淑儀一度復出。

黃淑儀近年甚少拍劇。

黃淑儀後來早已將重心放在熱愛的飲食節目上。

黃淑儀偶然也有拍劇。

後來二人合作次數大減。

黃淑儀日前接受好友楊紹鴻的YouTube節目訪問。

近年黃淑儀主力烹飪節目，但提到事隔多年再拍劇，感受拍攝風氣不如從前。

黃淑儀與孻子徐肇平感情好好。

徐肇平是黃淑儀與現任丈夫徐景清的孻子。

徐肇平被雪藏一事傳到媽媽黃淑儀耳中，由媽媽為他出氣，更曾公開批評TVB欺負她兒子。

黃淑儀得知兒子被雪藏非常生氣，曾找高層理論，認為兒子讀演藝課程出身很有抱負，因不肯簽長約而雪藏他並不合理。

徐肇平一度過檔ViuTV，近年回巢TVB，早前有份拍攝劇集《白色強人II》。

黃淑儀與年青一輩沒有隔膜。

黃淑儀日前接受好友楊紹鴻的YouTube節目訪問，提到當年入行經過，黃淑儀說：「嗰陣當權嗰個人唔鍾意我，佢同另一個報新聞嘅人有pillow talk，那個女子想帶挈佢啲契妹，佢啲派系。」當時簡而清覺得她不適合報道新聞：「佢覺得我係一個好warm嘅人，適宜做戲而唔應該報道新聞。跟住我畀人篤死咗，即刻離開ATV。」而當時的觸發點，原來與遊船河有關：「嗰陣有張通告係去遊船河，本來我怕暈船浪唔想去，但係訓練班有一個前輩叫我，『你去喇，你去梁小玲都去，多兩個人都好。』長輩叫到我就去了。」她續說：「我拎個膠袋袋枝白花油，著對涼鞋就去。去到海運大廈，原來係汪明荃嗰種Pink Lady，成頭pink帽、pink裙、pink手袋、pink鞋，粉紅色真係好靚，褟素霞都著得好靚，唯獨係我同梁小玲著到真係遊船河咁。原來嗰日係上戰艦參觀，公司派晒攝影師影我哋，我咪叫Pink Lady 行先啦，點知返到公司就話我唔配合攝影師，咁咪無端端炒咗魷魚！」

簡而清覺得黃淑儀被炒得很冤枉

後來當時訓練班的導師兼顧問簡而清覺得黃淑儀被炒得很冤枉，她說：「兩個甩底無去遊船河反而無事，話我和攝影師不合作就炒魷，你諗吓幾黑暗，但當時唔覺有乜嘢，唔做就算。但係簡Sir話唔得，仲帶我去見一個人，嗰個就係TVB的鍾景輝 King Sir。」黃淑儀稱面試完回家等消息，殊不知竟做了TVB劇集《夢斷情天》的女主角。本來黃淑儀的發展順利，不過到了1983年，黃淑儀決定移民加拿大，一去就去了20年，直到1999年重返TVB拍《廟街·媽·兄弟》，之後每隔一兩年就會回來拍劇。

近年黃淑儀主力烹飪節目，但提到事隔多年再拍劇，感受拍攝風氣不如從前：「而家嘅演員拍完一場戲之後，睇play  back 會話︰『導演，點解呢度唔畀個close up我？』要重新再拍。我哋以前邊有資格去叫導演，我真係無眼睇！我可以點呢？唔通導演唔鬧我去鬧人，我唔敢講導演係咪無料到，我淨係覺得佢唔夠權威。有啲導演話廢事嗌交，即場重拍咗，最後都冇用第二個TAKE，變咗有啲演員覺得，導演都怕咗我要聽我講，個世界真係調轉了。」

黃淑儀嘆影視圈甚少劇集安排老演員

黃淑儀坦言有點不習慣，始終自己離開了娛樂圈有一段日子，但她有感而發地說：「我覺得香港嘅影視界好難寫到啲劇本啱我哋啲老嘢做，冇計喇，寫親劇本個個都係後生仔女，最多係一家人坐埋一齊食餐飯，煲咗咩湯，整咗乜餸，我唔係介意戲多戲少，最緊要係有得發揮。」黃淑儀還說：「我唔會唔接受做媽咪角色，我知有演員係抗拒，覺得焦點唔喺自己身上，但係我冇呢啲精神包袱，一啲都唔介意，時代一路進，現實就係咁，唔通搵啲後生去飾演咩？我只係覺得最重要係有戲做。」