【曾智華專欄】若不滿意，私人回水

幾個月前某影癡老友肉緊地提點：「碌Sir，你咁喜歡睇電影，記住記住記住當《富都青年》一上，即火速入場呀，我肯定你會喜歡，否則私人回水！」
　　
當時一聽《富都青年》片名，直覺太平庸，並沒太大吸引力，究竟講乜呢？身邊「多口M」陰陰嘴笑：「話唔定係講上世紀八十年代香港富都夜總會呢！」
　　
好嘞，兩周前，咦，唔係喎，有料到喎，套戲提名多項金馬獎，男主角吳慷仁更成為金馬獎影帝喎！
　　
立即翻查此君有乜來頭，發覺背景非常普通，並非受過專業訓練或名牌大學演藝系畢業，而只是在台灣高雄職業學校畢業，之後生活坎坷，做過地盤臨時工、侍應生、擺地攤小販及各式雜工。
　　
如此背景，點解能夠成為影帝，實在是個謎，也引起我極大好奇。上畫即睇第一場！一如所料，此片雖有金馬獎光環，但可能導演及演員皆較陌生，片名也欠吸引性，故不少戲院冇上映，即使有，場次也不多。
　　
在又一城睇，只安排在最小的一間戲院放，幸而仍有部分知音搶先觀看。
　　
吳慷仁憑此片遠遠拋離贏影帝，同時入圍拗手瓜的，包括許光漢、林柏宏、王柏傑及阮經天，相信根本無得唔服。
　　
就算香港的影帝級人馬，包括黃秋生、劉青雲、梁家輝、周潤發、梁朝偉、張家輝、林家棟⋯⋯等，若睇過《富都青年》中吳慷仁的超級演出，皆應寫個服字，正是行家一出手，便知有沒有！
　　
單單吳慷仁在獄中見法師及「細佬」兩場，以手語表白的對話，已可作任何演藝學院教材，沒有誇張，簡直是神級演出！
　　
各位，一於入場欣賞！我已經一段

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。