頭條戲場丨《自由之聲》向所有勇敢又善良的人致敬

電影改編自前美國聯邦探員Tim Ballard(Jim Caviezel飾)的親身經歷，在一次追查販賣兒童案件中，成功從性販賣人口的禽獸手中，救出被綁架的男童，得知其姐姐同樣受害，因為使命感，Tim決定辭職連退休金都唔要，違抗上級命令去營救，因為真實所以恐怖，任意剝奪兒童正常成長機會，並變成商品謀利的人應該要落一億次地獄。所有人都不應活在恐懼中，希望全球數百萬失蹤兒童都能早日重獲自由。(上映中)撰文:廖思慧

佢就係一世平安的Tim Ballard(Jim Caviezel飾)，全片經常眼濕濕。

 

販賣兒童嘅人渣全部都要落地獄。

 

男主角賣命營救的妹妹Rocío (Cristal Aparicio飾)，靚到黐線。

 

成堆小妹妹慘被困貨櫃運往外地販賣。

 

Rocío跟細佬Miguel(Lucás Ávila飾)慘被販賣，一落船就被迫分開。

 

 

販賣兒童是世界上增長最快嘅國際犯罪網絡，已超越軍火交易，預計亦將超越毒品交易，一日可以賣5至10個小朋友。根據「美國國家兒童失蹤與受虐兒童援助中心」統計，每年大約有35萬名兒童失蹤，當中有10萬名被販賣，供有特殊癖好之人作特別用途，這個恐怖的「人蛇產業鏈」年產值約為1500億美金，多到港幣都計唔到有幾多，而美國更是兒童性販賣的最大消費國家之一。

Tim從孌童網中搵到販賣兒童線索，呢啲網根本要滅絕。

 

因為自己都有仔女，Tim Ballard唔理危險深入連軍隊都唔敢入的叛軍地盤救人。

 

祝福所有好人

因為崩口人忌崩口碗，電影拍畢後慘被攻擊而被迫雪藏5年，最後呢套成本1450萬美元(1億1仟萬港幣)的獨立電影，憑住大量好評，及正義之士的推波助瀾，勁收超過1.8億美元票房(約14億港幣)，超越《職業特工隊7》榮登美國年度總票房第十位。戲外估佢唔到，戲內亦一樣。《自由之聲》屬驚悚動作傳記片，講述Tim Ballard 如何深入虎穴救細路，以及說服老婆及有心人支持自己的營救大行動。

 

Miguel被有特殊癖好的男人買入，用到咁上下又賣出去，小朋友眼神幾陰公。

 

Tim 千辛萬苦救返細佬。

 

Rocío 被迫做性奴。

 

導演將販賣兒童的絕密犯罪過程搬上大銀幕，唔可以話好震撼，但相當陰公，一個幾歲小朋友一晚可交易5至10次，由於只希望電影能提醒所有人重視販賣兒童問題，所有會令觀眾不安鏡頭都輕輕帶過。全片劇情緊湊，睇到咬牙切齒兼眼濕濕，童星演技到位，世界上真係有太多魔鬼，做父母真係要好好睇住小朋友。

其中一個販賣兒童嘅人渣，個樣好似陳健安，睇戲更似，搞到有啲出戲。

 

此女子借搵兒童MODEL為名捉走小朋友。

 

《星島頭條》新網站有更多精彩內容：http://www.stheadline.com/

 

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。