獨家丨48歲佘詩曼唔強求姻緣:冇咪冇囉 演「Man姐」太惡 馬明嚇親震住「投訴」

兩屆「視后」佘詩曼相隔6年重返「娘家」拍台慶劇《新聞女王》,霸氣「Man姐」一角獲讚演技老練兼超班,熱捧為視后大熱門。久未在港宣傳的阿佘興奮自爆拍攝時好入戲,更曾嚇親馬國明及鄧智堅。她堅持演出入肉並非想打低鄧萃雯成為首三屆視后,只想開心地省靚自己「招牌」。至於芳齡48仍然單身,阿佘答得輕鬆,「有咪有,冇咪冇囉。」採訪:方騫平 攝影:譚志光 化妝:Katherine Lo 髮型:Lorraine Lam @ Hair Culture 服裝:Marni 造型:Christina Hsu 場地﹕TIRPSE@K11 Musea

阿佘經常被「內容農場」老屈,多到已經唔記得內容,但佢有檢討自己。
阿佘經常被「內容農場」老屈,多到已經唔記得內容,但佢有檢討自己。

 

阿佘紅足26年有名又有利。
阿佘紅足26年有名又有利。

 

阿佘只有小遺憾,係多年嚟冇時間學滑水及滑雪。
阿佘只有小遺憾,係多年嚟冇時間學滑水及滑雪。

 

阿佘因為容易滿足,故每一日都好開心。
阿佘因為容易滿足,故每一日都好開心。

 

1997年港姐季軍入行的佘詩曼,在TVB共奪11個獎成為全台NO. 1,雖有豐富演戲經驗,但她坦言「今次好有難度」,皆因每個人都睇過新聞報導,要令觀眾覺得她做到一個似模似樣嘅新聞主播唔容易,除事前熟讀劇本做足功課,亦曾跟監製到新聞部考察,坐上主播枱體驗20分鐘,但她還嫌練習不夠,主動要求加時,於新聞部的模擬新聞中心努力操練聲線、語速、語氣、表情及坐姿等。

《新聞女王》中,阿佘霸氣「Man姐」一角獲讚演技老練兼超班。
《新聞女王》中,阿佘霸氣「Man姐」一角獲讚演技老練兼超班。

 

就算係拍現場新聞報導場口,都曾考起阿佘。
就算係拍現場新聞報導場口,都曾考起阿佘。

 

拍前阿佘曾跟監製到新聞部考察,坐上主播枱體驗20分鐘。
拍前阿佘曾跟監製到新聞部考察,坐上主播枱體驗20分鐘。

 

阿佘1997年參加港姐的問答環節中,霸氣對曾志偉話唔會落選,最後贏得季軍。
阿佘1997年參加港姐的問答環節中,霸氣對曾志偉話唔會落選,最後贏得季軍。

 

演得投入絕非為獎

阿佘自爆演「Man姐」太投入,兇狠地發完惡,劇組嗌Cut機後,對手馬國明及鄧智堅忍唔住「投訴」佢:「嚇死我喇…Man姐」,阿佘聽完啼笑皆非:「咁嗰場戲要咁嘛,其實佢唔係惡係揸緊原則,堅持嚟做嘢唔係識朋友。」語畢馬上澄清現實絕對唔會咁樣對人。對於演到被對手「詐型」,是否想刷新紀錄成為首位3屆視后?她笑說冇諗咁多嘢:「只要角色能深入民心得到認同就算成功,套戲做到有口碑及討論性經已係最大得著,過程比獎項重要,不過,我重視每個獎項,亦多謝大家支持。」

阿佘演繹「Man姐」七情上面,惡到嚇親馬明。
阿佘演繹「Man姐」七情上面,惡到嚇親馬明。

 

佘詩曼、馬國明為權鬥火拼。
佘詩曼、馬國明為權鬥火拼。

 

阿佘對住馬明眼神好狠。
阿佘對住馬明眼神好狠。

 

不時互窒。
不時互窒。

 

阿佘對住馬明好凶狠。
阿佘對住馬明好凶狠。

 

劇中佘詩曼、馬國明好有發揮。
劇中佘詩曼、馬國明好有發揮。

 

阿佘強調真人唔惡。
阿佘強調真人唔惡。

 

阿佘由雞仔聲新人變兩屆視后,付出唔少努力。
阿佘由雞仔聲新人變兩屆視后,付出唔少努力。

 

阿佘重視每個獎項,唔會讓獎畀競爭對手李施嬅。
阿佘重視每個獎項,唔會讓獎畀競爭對手李施嬅。

 

力撐何廣沛冇肚腩

對於床戲對手何廣沛被網民彈肚腩摺起唔夠fit,阿佘忍唔住大平反:「何廣沛瘦到死邊有肚腩呀?其實佢好努力,好佩服佢嘅意志力及堅持,為咗瘦身拍床戲,食咗3個月烚雞胸,更完全唔受『萬歲』嘅美食引誘。」至於何依婷被評戲屎,她認為如果演得唔好,就唔會有咁多話題性,仲讚佢係一個聰明嘅女仔:「合作第一日見佢有啲緊張,加上未摸熟角色有啲未進入狀態,當提咗佢兩日唔好用錯重心,之後開始有進步。」她強調新人一步步行上嚟係要有階段,正如她1999年首次拍劇《雪山飛狐》擔正女一演「苗若蘭」,亦曾被狠批唔識做戲及雞仔聲難頂:「聽完負評梗係會唔開心啦,既然簽咗約要繼續做,唯有想辦法改善。」

阿佘親證何廣沛為拍床戲減到過瘦,冇可能有肚腩。
阿佘親證何廣沛為拍床戲減到過瘦,冇可能有肚腩。

 

阿佘好佩服何廣沛嘅意志力及堅持。
阿佘好佩服何廣沛嘅意志力及堅持。

 

阿佘大讚何依婷一點就明,越拍越進步。
阿佘大讚何依婷一點就明,越拍越進步。

 

阿佘在處女劇《雪山飛狐》被批唔識做戲及雞仔聲難頂。
阿佘在處女劇《雪山飛狐》被批唔識做戲及雞仔聲難頂。

 

一個人絕對唔孤單

48歲佘詩曼紅足26年有名又有利,提及目前人生目標,她答得輕鬆:「開心及健康就夠,更何況自己鍾意做嘅嘢變成事業,經已好快樂,仲想點呀?至於有冇終身伴侶反而好隨緣,有咪有,冇咪冇囉,唔會刻意強求,係你就係你㗎喇。」她堅稱絕不孤單,更霸氣地說:「我每一日都好開心,因為容易滿足,活在當下,正如當年喺沙漠拍《火舞黃沙》,風沙餸飯都係有趣經歷,能夠做到開心嘅嘢自然唔覺辛苦,唯一遺憾係多年嚟冇時間學滑水及滑雪,感受唔到好free嘅感覺。」

《賭城群英會》係阿佘6年前劇作,都係跟馬國明合作。
《賭城群英會》係阿佘6年前劇作,都係跟馬國明合作。

 

單身嘅阿佘有可愛契仔陪伴,絕對唔怕悶
單身嘅阿佘有可愛契仔陪伴,絕對唔怕悶

 

仲會陪住最愛嘅媽媽。
仲會陪住最愛嘅媽媽。

 

有唔少好姊妹。
有唔少好姊妹。

 

48歲佘詩曼唔強求姻緣。
48歲佘詩曼唔強求姻緣。

 

最遺憾冇時間學滑水。
最遺憾冇時間學滑水。

 

做人最緊要輕鬆自在。
做人最緊要輕鬆自在。

 

阿佘咁索唔會冇人追。
阿佘咁索唔會冇人追。

 

 

當年跟黎姿在沙漠拍《火舞黃沙》,一齊食沙好難忘。
當年跟黎姿在沙漠拍《火舞黃沙》,一齊食沙好難忘。

 

阿佘在國內劇《廷禧攻略》飾演嫻妃,在內地人氣急升。
阿佘在國內劇《廷禧攻略》飾演嫻妃,在內地人氣急升。

 

 

點擊以下6大平台 接收加拿大新聞及生活資訊
加拿大星島WhatsApp報料熱線:(437)428-9394

下載「星島新聞(加拿大版)」App,隨時看到最新最快新聞:
iPhone:https://apple.co/2IBi812
Android:https://bit.ly/2Pe8anu

訂閱加拿大星島網電郵快訊,每天可收到最快新聞資訊電郵: https://www.singtao.ca/subscribe/singtao.php

>>>訂閱CCUE YouTube 頻道,查看更多吃喝玩樂、生活資訊影片。
share to wechat

延伸閱讀

share to wechat

延伸閱讀

福祿壽訓練學院丨「最強Body」郭珮文銷魂噴血造型勁震撼 陳懿德被嚇窒感大壓力

薛芷倫百億筍盤大仔密會「新生代女神」斷正? 曾傳秘戀大10歲黃心美

李龍基戴白色「PDADA」cap帽探王青霞 不介意甄妮誤會:佢有少少失敗!

何沛珈演爭仔戲Cut機攬住劉佩玥喊 緋聞男友阮浩棕提早5小時到場服侍丨獨家

都市網新聞