陳凱琳護夫談不和風波!鄭嘉穎未因是非不快 揭與馬國明私下關係:補請食飯
因為馬國明結婚在即,導致鄭嘉穎被翻舊帳,已有兩年未見現身2010年劇集《鐵馬尋橋》的「鐵馬家族」聚會,鬧出與馬國明不和傳聞,又因鄭嘉穎日前在活動上受訪時,直言有家室兼要照顧小朋友,一日只得24小時,要有所取捨,更以「浪費時間」回應,暗示不會到海外觀禮,加上太太陳凱琳不斷出PO加上外遊,遭網民嘲「火上加油」。陳凱琳今日(5日)出席香港網球公開賽記者會時,為老公鄭嘉穎澄清連日不和風波。
【相關閱讀】:鄭嘉穎入行30年是非多!細數6件爭議事件 傳曾激嬲王喜 拒認愛踢佘詩曼落車
【點擊睇陳凱琳代鄭嘉穎澄清是非】:
陳凱琳在活動上回應傳媒時,正式為老公鄭嘉穎解畫:「佢無唔開心,身邊朋友同我都知道,佢說話比較簡潔,亦知道馬明都有回應,識得佢嘅人就知道佢說話好直接。」對於缺席馬國明與湯洛雯的海外婚禮,陳凱琳坦承因為要湊仔:「我哋有三個小朋友,嚟緊佢哋放假,我哋未必可以兩個出埠,所以未知可唔可以去到婚禮。馬明同阿湯都好好,話體諒我哋有小朋友原故,等我哋之後再話佢知嚟唔嚟到啦。其實我哋私下係好和洽,唔知點解新聞出咗,就好緊張件事。」陳凱琳還透露與一對新人有共識,如果無法出席,打算在眾人出發前或儀式後返港,補請馬國明夫婦食飯。
「少婦聯盟」有約會
除鄭嘉穎鬧出是非,陳凱琳與「少婦聯盟」的龔嘉欣、譚凱琪同樣因沈卓盈(Jess)長期缺席,傳出友情不再,陳凱琳否認不和,只是不想向外交代:「大家都各有生活同工作,少咗見面,唯一見得多都(龔)嘉欣,因為佢好鍾意幫我湊仔,次次都話『你唔喺屋企,我都可以幫你湊,無問題。』今日佢生日,尋晚同佢講咗生日快樂,等佢返香港再補祝。」至於屆時會不會約沈卓盈,陳凱琳表示︰「約多啲朋友絕對無問題,其實我哋圍內係有約會,只係唔想畀人關注有無約邊個,唔想focus呢度,真心朋友唔使向外交代。我同Jess都係生仔,我哋成日交流湊仔經。」陳凱琳又透露聖誕節會一家人留港陪父母,出埠旅行預計安排在農曆新年假期:「我怕凍,所以新年想去暖啲嘅地方,我哋未試過一家去旅行,所以好緊張同期待。」
【點擊睇鄭嘉穎陳凱琳與朋友關係】:
>>>立即瀏覽【移民百答】欄目:新移民抵埗攻略,老華僑也未必知道的事,移民、工作、居住、食玩買、交通、報稅、銀行、福利、生育、教育。
>>>即讀【新移民專欄】:新移民第一身經驗,與你分享當下年輕移民生活日常大小事,即讀「新移民專欄」。
iPhone:https://apple.co/2IBi812
Android:https://bit.ly/2Pe8anu
>>>訂閱【加拿大星島網電郵快訊】,每天可收到最快新聞資訊電郵:
https://www.singtao.ca/subscribe/singtao.php
>>>立即關注加拿大星島新聞網TG Channel,讓加國新聞無遺漏全天候向你推送:
https://t.me/singtaoca
>>>訂閱CCUE YouTube 頻道,查看更多吃喝玩樂、生活資訊影片。