壁球｜香港公開賽周日煞科 壁球王國埃及雙線爭冠

「M」品牌活動之一的「二〇二三 TTI Milwaukee 香港壁球公開賽」  ，周六首度於西九戲曲中心旁邊搭建的玻璃幕場上演，舉行男女子組準決賽。

濶別多年，賽事終於繼香港文化中心之後，再於香港地標戶外進行，吸引大量球迷入座，收爆棚之效，亦有唔少市民於場外睇電視直播，氣氛熱鬧。

賽事方面，打頭炮女單最受矚目，因為有世界排名第一、埃及的舒雅賓妮出戰，但一姐面對美國蘇曼達，發揮只屬一般，只打了30分鐘，便以8:11、4:11、3:11落敗，無緣決賽。

世一舒雅賓妮（前）4強落敗。

蘇曼達奮力抽擊。

唔少觀眾於玻璃場外睇大電視直播。

戲曲中心旁臨時建起四面玻璃場。

唔少觀眾於玻璃場外睇大電視直播

蘇曼達淘汰世一，振臂慶祝。

世界一哥費華域（白衫）技勝一籌。

費華域大熱入決賽。

夏瑪妮救波。

夏瑪妮入決賽。

埃及畢竟係壁球王國，決賽依然不缺席，因為在另一場女子4強戰，夏瑪妮以11:5、11:5、11:1，擊敗了比利時的姬莉絲。

男子方面，埃及亦佔據決賽一席，世界一哥費華域淘汰同胞化亞素，比分是11:4、11:9、11:8。另一場男子4強戰，終於沒有埃及球手，紐西蘭保高爾以11:4、11:8、7:11、11:3擊敗英格蘭蘇奧巴治。

周日煞科日決賽，繼續西九戲曲中心玻璃場上演，6時先有女子組決賽，由蘇曼達對夏瑪妮；緊接費華域對保高爾，爭奪男子組冠軍。無綫明珠台（84台）有直播。

記者：吳家褀

_____________________________