榛綦@STRAYZ與過百隻羊同場演出視覺震撼 專注個人發展年底爭新人獎

憑《全民造星IV》出道、女團STRAYZ成員之一的榛綦（Natalie），今年初以獨立歌手姿態推出首支單飛歌曲《Time To Fly》後，最近宣布加盟Hey music HK Ltd並推出年度第二首個人單曲《旅程多得你守望》，日前榛綦（Natalie）以單薄襯衣，冒寒到郊外拍攝新歌MV，期間榛綦（Natalie）除了與7歲童星演對手戲，更與過百隻羊咩咩同場「演出」，場面震撼，令榛綦（Natalie）大呼難忘。

【相關閱讀】：Strayz處女作《Stray》出街 畫花塊面通宵拍MV

 

【點擊睇榛綦（Natalie）出單曲】：

女團STRAYZ成員之一的榛綦（Natalie）憑《全民造星IV》出道。

 

今年初以獨立歌手姿態推出首支單飛歌曲《Time To Fly》。

 

最近宣布加盟Hey music HK Ltd並推出年度第二首個人單曲《旅程多得你守望》。

 

《旅程多得你守望》背後意旨「天使數字444」，講述每個人身邊都會有自己的守護天使。

 

日前榛綦（Natalie）以單薄襯衣，冒寒到郊外拍攝新歌MV。

 

Natalie直認跟上一首歌曲有很大分別，毋須再身兼多職，壓力大減。

 

榛綦（Natalie）與7歲童星演對手戲。

 

榛綦（Natalie）北歐牧羊女造型拍攝MV。

 

榛綦（Natalie）讚小朋友好乖、好專業，一埋位就交足戲。

 

Natalie她期望可以跳唱形式推新歌。

 

製作單位安排Natalie與過百隻羊同場，場面壯觀。

 

榛綦（Natalie）與過百隻羊咩咩同場「演出」。

 

榛綦（Natalie）與7歲童星合影。

 

 

歌曲《旅程多得你守望》背後意旨「天使數字444」，講述每個人身邊都會有自己的守護天使，每當遇到阻滯事情，守護天使便會出來給予信心、鼓勵，令事情得以順利完成，Natalie希望透過歌曲傳遞相信自己的正向訊息：「希望大家做事要相信自己，唔使擔心太多，要有信念，身邊一定會有守護自己嘅人打氣。」問到現實中，Natalie是否也對自己很有信念？她卻擰頭笑說：「雖然我鼓勵大家要相信自己，但其實我唔係一個好有自信的人，好彩身邊有好多好朋友、屋企人、粉絲，佢哋做我嘅守護天使，不斷鼓勵及支持，畀咗好多信心我，令我由一個冇信心嘅人，變成可以表演畀大家睇嘅人。」

今次是加盟新公司後第一次MV拍攝，Natalie直認跟上一首歌曲有很大分別，毋須再身兼多職，壓力大減，她表示：「上一首歌，因為係獨立歌手身份，好多嘢都要自己去策劃同籌備，就連聯絡導演、工作人員都要自己處理，加上兼顧學業，所以有點吃力，今次好感恩，有公司不同部門同事去幫自己去傾所有嘢，令事情容易達成！」

榛綦冒寒拍MV景靚人凍

今次新歌MV最大特色，除了聘請童星演對手戲外，製作單位更安排Natalie與過百隻羊同場，場面壯觀，她稱：「聽說同小朋友及動物拍攝係最難控制，但好開心，呢位小朋友好乖、好專業，雖然只有7歲，但真係好叻，一埋位就交足戲；至於同動物合作，就要自己去配合，始終啲羊聽唔明我講咩，但感覺都OK，出嚟嘅效果一定好好睇。」除了被過百隻羊包圍，Natalie指今次拍攝最難忘是天氣凍及取景偏遠：「為咗靚，我着得好單薄，適逢天氣轉冷，所以我而家好凍，雖然拍攝地方比較偏僻，但風景又真係好靚。」

榛綦指暫時專注個人發展

未知打後日子，Natalie會否繼續女團STRAYZ發展？她指：「STRAYZ係獨立個體，要自己搵資源發展，唔容易，所以大家都有傾過，認為暫時焦點放喺個人發展先。」Natalie續說現時已開始籌備不同類型歌曲，她期望可以跳唱形式推新歌，提到年底樂壇頒獎禮可有信心爭新人獎？Natalie直言會以「平常心」看待：「今年有好多出色新人，各有不同風格及強項，最重要係可以百花齊放！」
 

 

【相關閱讀】：

頭條獨家│《造星IV》榛綦提Edan即面紅 入圍獲家燕姐鼓勵

女團Strayz出活動唔齊人 趙展彤屋企噪音問題已道歉否認鬧狗

頭條獨家丨STRAYZ冇公司成員夾5位數出道 《造星IV》第3隊女團玩自己話事

 

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。