独家丨陈柏宇被网民叫退休：退唔退都唔关你事 初出道保形象唔敢认同裕美拍拖

陈柏宇（Jason）为新歌《日常事故剧场》创作变奏部份，又在MV中狂扮鬼脸，以表达台上台下两个样。Jason认为镜头前后的自己基本上一致，只因他早已放下偶包，兼且对负评一笑置之，甚至可以好冷静地去分析。采访：杜杜 摄影：罗安强 发型:Alex @The Attic 化妆:Jessica Chan 服装:INITIAL场地:212 Studio

Jason平日少睇comment，加上会理性分析，唔怕影响情绪。

Jason不太懂写歌技巧，所以产量不会太多。

Jason刻意将歌曲变奏，源自demo有点灵魂出窍感觉，“钟意听啲日式melody，通常会有好多变奏，𠵱家韩国歌都多咗，但香港比较少，因为基本可以做到两首歌。”提到拍MV，Jason觉得扮鬼脸特别好玩，“概念嚟自《The Truman Show》（《真人Show》），主角好似演紧个故仔，但其实系做紧自己，都几似我，台前台后都系一个人，而唔系设计出嚟嘅角色同形象，所以MV其中一幕，就系陈柏宇台上台下畀观众感觉系乜嘢，用鬼脸去交代。”

Jason在《日常事故剧场》MV中，要扮鬼脸觉得好好玩。

Jason认为歌曲有变奏，就可以利用歌词维持一体性。

一早放低偶像包袱

Jason承认初入行时都有偶包，好多方面都要收埋，“𠮶时同裕美拍拖咪系囉！食烟、纹身都系。”但他近6、7年知名度提升，偶像包袱亦开始放下，“大家唔会靠呢啲嘢去断定你，大概知你系咩人咪可以free啲。”他现在连网上的负评，一样可以看得开，“以前睇都会𤷪啲观众嘅愚蠢，今时今日真系唔理，𠮶啲comment用嚟攻击，背后又边会有逻辑啫！同事见到个comment话‘陈柏宇应该退休啦’，呢啲好低B，哈哈！我退唔退休都唔关你事，同埋你估我唔想退休呀！我冇能力退休嘛！我系唔退你又吹呀！呢啲真系笑多过嬲，冇嘢好嬲。”他仲可以好理性咁分析，“1个或者10个负评唔代表啲乜嘢，可能有1万个观众，认同或者唔介意你做嘅嘢，你唔可以为咗10个观众放弃1万观众。”不过他依然有其他方面压力，“揾钱同埋克服表演嘅紧张，呢啲问题长期存在，尤其细女出世后，过多几年就要读书，读书要钱㗎嘛！”

Jason不理负评，只会理真心支持他的歌迷。

每次表演均会紧张，亦长期困扰Jason。

揾钱养家是Jason的主要压力来源。

《星岛头条》新网站有更多精彩内容：http://www.stheadline.com/