七師傅自爆常被同行落降頭 運程書報捷喜極而泣  

七師傅(七仙羽)最近推出的2024年運程書《七仙羽教你龍年逢凶化吉》報捷，運程書於各大書店「休閒趣味書藉暢銷榜」排名第1位，七師傅形容既驚且喜，所知1小時賣出150本，由於印刷量不多，市面出現斷市狀況，連出版社都認為係不可能的事，因為跟她競爭的大師太多，去年她只能排第3位。當七師傅親自巡店開心大發現時，忍不住爆喊，她自揭多年來長期被同行打壓，甚至向她落降頭的辛酸史。

七師傅運程書於各大書店「休閒趣味書藉暢銷榜」排名第1位。

七師傅對成績既驚且喜。

七師傅送運程書給裕美。

由於同行如敵國，七師傅自言過去到現在，同行輪流落降頭試她功底：「佢哋唔抵得我，同埋好多人以我傻，好欺負，以爲我只識搞笑...任何派別師傅練習法術，就拿我練，幸而我會嘅法術好多，包括馬來西亞法術丶茅山丶七星派丶西洋magic .....所以搞唔到我，因為我會反彈走！我本身好多護法神，誰搞我，誰出事，我能令自己咁紅丶咁成功，我有幫自己做magic，所以我嘅波折非常多，經歷比別人更痛苦，要付出多倍努力，包括用心向學擁有PHD博士學歷，而且長期幫人，積累善業，種下好嘅善因。」

七師傅同荷蘭籍老公Gerald，居於市值過億的5,000呎西貢獨立屋。

愛買磚頭嘅七師傅，西貢獨立屋環境清幽，背山面海擁無敵海景。

七師傅喺《七救星》中搞笑地耍「閃電7連鞭」。

早於微辣加蔥出事前，七師傅在訪問片段中已叮囑男人要戒色。

七師傅經常去修煉。

七師傅經常去做功德，希望大家都平安健康幸福。

七師傅曾於主持的ViuTV節目《七救星》中「作法」出手打林作，幫手緩和女友裕美同林作媽媽媽王莉妮嘅關係，現時兩女人關係已改善過來。

七師傅每月都會做布施。

七師傅與歐陽偉豪主持，論盡不同行騙手法的新節目《東呃西騙》。

七師傅自言做乜都勤力過人，就連出書做簽名會都特別多：「每次簽成千書，簽書簽到手都軟，搞到周身痛，出版商都讚我夠合作。其實喺簽書會到見到咁多Fans咁支持自己好開心，最深刻有個年約30歲嘅壯男一口氣買咗50本書，佢話師傅夠旺，雖然攬唔到我瞓覺，但都要攬住我本書嚟吸旺氣，又將book內有揮春符周屋貼去旺場。」

七師傅有壯男粉絲。

七師傅簽書簽到手軟。

七師傅頻頻做簽書會。

越簽越開心。