星8卦｜“博命”受“高人”宠幸 落难有“浪子”帮忙够期协议分手

对于“博命”同“浪子”行唔到尾，大家都有啲诧异，因为两个人都有晒经历，“浪子”有几个老婆，生咗一堆细路，以为同“博命”一齐就可以定落嚟。

“博命”有自知之明，同“高人”一齐之后，简直系富豪级享受，出入私人飞机，仲喺“高人”嘅环头横行称霸，佢有段时间以为自己系皇后，而且“高人”真系锡到佢㶶，毕竟后生有名气，对于男人嚟讲都系一种征服。可惜一朝天子一朝臣，“高人”个老窦唔掂，影响埋佢嘅前途，而佢之前又太大胆，以为自己可以坐上一哥嘅位，竟然用方法令到自己嘅“兄弟”差啲命都无。

“兄弟”一旦上位就梗系同你计数，你想我死，我亦都唔畀好日子你过，结果当然系“高人”斗输，全部家当无晒，仲要连累九族。“博命”喺未杀到埋身嘅时候，已经同有关当局申报利益，话愿意拎番晒喺“高人”𠮶度拎到嘅利益，于是你肯投城而利字当前，“博命”就可以甩难。所以大家都奇怪佢几时同“浪子”挞着？又点解咁快可以结婚？原因好大部分系两个人协议好“浪子”系帮“博命”避难，而中间系有感情嘅，不过薄弱啲，分开系协议之一，只系有细路系意料之外啫！

【相关文章】：

星8卦｜“姣精”冧掂“一号”以为享福 衰贪心一铺过自断米路

星8卦｜“打得”感激“公子”栽培 讨厌老公怕事胆小离婚再拼博

星8卦｜“番妹”“巴佬”痴恋多年做得成夫妻 全靠前妻助攻三人世界好融洽