Twins演唱會丨阿Sa生日雙喜臨門！ 門票被秒殺即宣布加開兩場破紀錄

Twins相隔9年重返紅館舉行《TWINS SPIRIT SINCE 2001 LIVE IN HONG KONG》演唱會，一話開騷，已經瘋狂引爆回憶殺，內部認購前所未有咁瘋狂。今早（15日）進行優先訂購，更秒速爆滿。主辦單位英皇娛樂即時宣布加開兩場，由6場變8場！門票將於11月22日起城市售票網公開發售。

【相關閱讀】：Twins演唱會丨性感海報曝光！阿Sa激罕火辣上陣 阿嬌深V落到肚臍

【點擊睇Twins演唱會加開兩場】：

Twins在2001年出道，原定於入行20周年時舉行演唱會。

不過2021年撞正疫情令演唱會遲遲未能落實。

Twins今年成軍22年。

阿Sa早前現身活動已提前預告，將會舉辦Twins演唱會。

近日Twins 終於宣布在香港開騷。

蔡卓妍（阿Sa）、鍾欣潼（阿嬌）及經理人霍汶希在10月31日貼出三款演唱會宣傳海報。

第三款是「TWINS SPIRIT」在正中間位置的款式。

11月3日又釋出兩張雙人海報，阿嬌穿deep V好性感。

阿sa不甘示弱穿上bra top大騷性感。

今早（15日）進行優先訂購，更秒速爆滿。英皇娛樂即時宣布加開兩場，由6場變8場！

今次演唱會的公售日期剛好是阿Sa生日，而演唱會頭場則是阿嬌生日。

阿Sa表示，今年的生日願望一定是做好個演唱會，還有身體健康。

過去多年，Twins的紅館演唱會最多是5場，今次開8場破了紀錄，不單令粉絲興奮若狂，亦令阿Sa（蔡卓妍）同阿嬌（鐘欣潼）非常開心，阿Sa謂：「以組合來講，入行22年仲可以開演唱會，企喺台同大家慶祝，真係好難得！所以呢個演唱會對我哋嚟講係好有意義！知道咁多人仲繼續支持我哋，又感動又開心！希望到時大家可以有一個好好玩嘅晚上。」

公售與頭場日期是二人生日

今次演唱會的公售日期剛好是阿Sa生日，而演唱會頭場則是阿嬌生日，問到二人是否專特揀呢兩個良辰吉日？阿Sa表示：「梗係唔係啦，真係咁橋，紅館檔期邊有得揀，第一次公司同我哋講呢日開騷，我地都覺得好奇妙，公司就話，不如喺我生日嗰日公開發售啦！咁兩個生日都可以雙喜臨門。」阿嬌表示：「加場雖然開心，但都開始有啲壓力，希望到時可以做到最好畀大家！」阿Sa表示，今年的生日願望一定是做好個演唱會，還有身體健康，嚟緊要開始排舞練歌，身體好緊要。」