36歲Aka趙慧珊自揭難放低舊愛5年冇拍拖 吳業坤躺著也中槍？網民憑一點拆解真相
現年36歲的前女團Super Girls成員趙慧珊（Aka），最近參加ViuTV戀愛真人騷《35+LOVE》與素人約會。上周三（8日）播出的第八集，AKA與餐廳老闆區顯揚（Austin／阿B）約會，期間Aka大方提到放不低前度，引起網民猜測她所說的就是已娶日本老婆的吳業坤。
【相關閱讀】：35+ LOVE丨趙頌茹被問周永恆即落閘 楊淇怕孤獨終老Aka自爆桃花旺
【點擊睇Aka講舊愛】：
《35+LOVE》上周四播出Aka與餐廳老闆阿B在男方餐廳約會的片段，阿B細心教Aka整抹茶牛奶，又預先整定一枱甜品，𠱁得Aka相當開心。期間阿B問到Aka過往的情史，Aka大方說：「我拍過6次拖。」更表示中學就讀女校期間曾與女生拍拖。隨後阿B問Aka多久沒有拍拖，Aka直說：「好耐喇，幾年，對上一個都四、五年。」Aka之後續言：「我覺得我一直未放得低之前嗰段關係，可能有一份執着喺入面。」Aka更指自己要以「年」為單位去放低一個人。隨後阿B問：「但你會等？」Aka搖頭說：「等唔到。」
節目播出後，引起網民議論紛紛，甚至有人認為Aka所講、「等唔到」舊愛就是吳業坤。有指Aka在2013年與比她年輕三歲、當時仍未爆紅的吳業坤撻着，兩人為事業選擇發展地下情，不過在2014年4月已經傳出兩人半年情玩完，更有指Aka嫌吳業坤無財無勢，當時吳業坤被問到是否地下情已經玩完，他更直說：「冇錢冇得玩。」至於被問到是否因冇錢被飛，他還說：「唔係飛，只係冇錢冇得選擇發展。」
網民為坤哥呻冤
雖然有網民以指Aka所講的就是吳業坤，不過Aka與吳業坤在2014年已經分手收場，而Aka在節目中所講的上一個男友是四、五年前，即將2018至2019期間，難怪有不少網民為已成為人夫的吳業坤呻冤：「又入坤哥數？佢同坤哥段情起碼係8年前以上，佢話4至5年無拍拖係放唔低上一段感情，又關坤咩事？」、「佢哋13年開始，拍咗唔夠一年拖，對上個個5年前，乜時間過得咁快咩？」、「坤哥冇啦啦中槍。」
【點擊睇吳業坤夫妻靚相】：
>>>星島網WhatsApp爆料熱線(416)6775679，爆料一經錄用，薄酬致意。
>>>立即瀏覽【生活百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。
