星8卦丨「細粒」現真身靠惡橫行 收大信封叠埋心水跟大佬搵食

人真的不能貌相，好似「細粒」生得一副可愛純情樣，好多人都俾佢個樣呃晒，以為真係咁純品，而「細粒」成日sell自己有幾慘，屋企有幾窮，老豆唔要成頭家，阿媽出去做雞，自己就出於污泥，所以一定要搵好多錢俾阿媽報答養育之恩。其實佢真係得表面好，返到屋企恃住搵到兩個臭錢對阿媽呼呼喝喝，講真佢阿媽邊有做雞，只係做洗碗女工，但「細粒」覺得無面，所以作個大啲嘅故仔，搏人哋記得。

因為自細做街童，帶住細佬妹周街玩，又有幾分姿色，「細粒」好快就做咗阿嫂，係自己嗰區有晒朵，橫行霸道，由於惡慣，入到行之後頭嗰兩年都可以忍住扮乖女，但唔使好耐就現真身，遇到唔高興就去同幕後嘈，話要加戲又話要換拍檔，總之郁啲就好有意見，搞到台前幕後都神憎鬼厭。最近又因為幫個朋友出頭搞到一身蟻，明明係朋友錯先，又學人扮大家姐同啲官鬥，你估真係惡就得咩，嚇到嗰位小職員喊晒，你目無王法就要受到裁。

不過「細粒」唔識驚，人前人後仲攞件事嚟講，包裝自己做正義女神，而實際情況梗係黑白癲倒，一班惡人講歪理行邪道。自從現真身後，好多人都怕咗同「細粒」來往，公司亦決定中止合約，不過佢就大大聲話自己大把計劃，已經唔想做幕前，幫自己嗱番渣沙。不過佢咁多大佬照，唔愁錢就無嘢擔心啦！

 

【相關文章】：

星8卦｜「家姐」賣樓倒貼嫁「老粗」 望夫成龍欠落一身債

星8卦｜「秀氣」「才子」痴戀不得善終 被分手變第三者殺手嚇怕人妻

星8卦｜「大胸」冧掂「擦鞋王」收樓 衰氣焰得罪人即時炒魷

 

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。