獨家丨吳若希想做諧星視麥美恩為勁敵 自知冇身材首做台慶劇女一賣搞笑

吳若希(Jinny)於TVB台慶劇《香港人在北京》中以誇張手法演繹投資失敗嘅跟得老婆Helen，跟陳展鵬搞笑互動，觀眾好鍾意係咁畀Like。入行13年的Jinny曾跟菊梓喬為爭做「星夢一姐」惡鬥多年，𠵱家菊梓喬事業滯後；Jinny既有幸福家庭又重新上位做女主角，從來都話鬥長命，Jinny風騷坦言傻人有傻福，好彩多過努力。採訪：方騫平 攝影：錢文坤

演喜劇係吳若希心願。

 

吳若希本身好有幽默感。

 

Jinny好鍾意睇喜劇。

 

Jinny事業與家庭都好如意。

 

Jinny新劇有唔少發揮。

 

劇中吳若希充份發揮喜感，有唔少笑位。原來Jinny喺周星馳及苑瓊丹身上偷師：「陀B時訓唔著最鍾意翻煲周星馳嘅《算死草》、《九品芝麻官》…尤其鍾意睇星爺同苑瓊丹對鬧場口，苑瓊丹可以一輪嘴講對白，好犀利。」

劇中吳若希有唔少笑位。

 

劇中跟戴祖儀合組「姑嫂合唱團」。

 

陳展鵬跟吳若希有默契。

 

Jinny喺周星馳及苑瓊丹身上偷師

 

爆老公鍾意平胸

Jinny靠搞笑演出爭一席位：「我唔敢渴求做苑瓊丹接班人，暫時我做諧星嘅最大勁敵係好姊妹麥美恩，佢轉數好快；我勝在夠蠢成日鬧笑話俾人笑，而且擁有佢冇嘅長腿。」劇中Jinny着吊帶背心睡裙晒長腿「生擒」老公陳展鵬，見她身材欠奉！她笑說：「現實中我老公何兆鴻就係鍾意我咁(平胸)，我隆胸佢唔會Like，而且佢都排骨咁有乜資格嫌棄我。」

劇中Jinny穿性感睡裙大晒42吋招牌長腿。

 

色誘老公陳展鵬。

 

吳若希色誘老公場口都好搞笑。

 

上演咀嘴戲。

 

吳若希強調老公唔介意她平胸。

 

Jinny唔止有事業仲有幸福家庭。

 

吳若希想做諧星視麥美恩為勁敵。

 

Jinny對於首做女一零壓力，因為演員「人腳」好，對手能帶住她演出，角色又似做返自己，最開心可以跟兒時偶像梁漢文(Edmond)及盧慶輝合作，31歲的她更自爆童年回憶，讀小六時上網下載 Edmond嘅《七友》；2001年又晚晚追睇《封神榜》，見盧慶輝飾演嘅「伯邑考」被「妲己」溫碧霞殺害，再搓成兔肉丸獻畀紂王就好驚：「我知佢𠵱家在生好安全，經已好安心喇。」另外，Jinny承認自己好運，就算點任性，突然要結婚生仔都繼續有機會，強調從冇執著做「星夢一姐」，反而enjoy目前擁有嘅嘢。

吳若希及陳展鵬興奮跟前輩盧慶輝合作。

 

《封神榜》中盧慶輝被溫碧霞殺害，令Jinny驚咗好多晚。

 

梁漢文亦係吳若希兒時偶像。

 

Jinny曾跟菊梓喬爭做「星夢一姐」。

 

Jinny有美滿婚姻。

 

一家四口好溫馨。

 

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。