陳百強逝世30年丨曾以「紅顏知己」形容何超瓊 周潤發竟為好友隱瞞老婆？
今日（25日）是已故巨星陳百強（Danny）逝世30年周年，陳百強的歌迷會今年舉辦了不少活動，紀念這英年早逝的偶像！TVB今晩將會播出《永遠深愛陳百強》紀念特輯，與陳百強相交多年的港台前DJ夏妙然亦有會現身接受訪問，同時當年陳百強在音樂特輯《陳百強感情寫真》上，與圈中好友深情對話，當中與周潤發和「紅顏知己」何超瓊的片段，看見陳百強羞怯而又優雅的笑容，實在令人懷念！
【相關文章】：陳百強逝世30年丨一文睇清六大紀念陳百強節目兼活動！歌迷懷緬偶像：永遠是深愛的回憶
【點擊重溫周潤發與陳百強昔日友情】：
陳百強早年在音樂特輯《陳百強感情寫真》上，與圈中好友深情對話，當中與周潤發和何超瓊的訪問令人難忘，在節目上，周潤發笑言很多事情要向陳百強學師並自爆一個秘密：「我又唔希望你送帶畀我，所以我成日自己買你啲CD同帶去聽，而且仲一個人匿埋喺間房，靜靜哋聽你啲歌，唔敢話畀老婆聽。」周潤發大讚陳百強的衣着品味，又可以自彈自唱兼作曲。兩人當年曾合作拍電影《秋天的童話》，陳百強分享了一個小秘密：「嗰陣我唔知點解，一時感觸喊咗出嚟，鍾楚紅問我仲乜事，我咪話好多嘢屈住喺個心入面，咪忍唔住借兩杯酒意喊咗出嚟。」周潤發亦說：「你哋除咗捧Danny場之外，仲要錫佢，因為佢係一個幾弱小心靈嘅小朋友，而且同我哋一樣，係受保護嘅動物。」
陳百強視何超瓊為「紅顏知己」
陳百強曾與已故賭王何鴻燊千金何超瓊傳緋聞，不過有傳當年因家族壓力而不能走在一起，兩人則成為好友。陳百強在音樂特輯上，曾用「紅顏知己」來形容何超瓊，原來當年兩人在蘭桂坊偶遇而成為好友，何超瓊笑說：「證明我哋兩個都幾貪玩，不過要拆穿Danny，佢個人係要錫佢，佢好似一個大孩子，如果要做佢朋友，要學識點樣去錫佢，雖然佢係大孩子，但係佢係好明白事理，我哋都係一個性情中人，所以佢知道如果我唔開心嘅時候，匿埋唔見人。」何超瓊續說：「我記得有一次，好唔開心嘅時候，佢全日不停打電話嚟問候我，終於我就開心咗好多。」其後好友的離去，令何超瓊大受打擊，在葬禮上哭成淚人，更為陳百強扶靈。
【點擊睇夏妙然回憶與陳百強昔日友情】：
與陳百強相交多年，港台前DJ夏妙然坦言兩人不單工作上的伙伴，同樣亦是知己，她在訪問上說：「雖然Danny已經離開咗30年，但係佢好似從來都冇離開過，感覺仍然係好近。」在夏妙然的眼中，陳百強是一個沒有架子的人：「佢講嘢好溫柔、好慢，又會望住你講嘢，佢一埋嚟就會同你傾偈，好似一個好耐冇見嘅親切朋友， 大家係完全有芥蒂，會將心事同對方分享。」
夏妙然亦讚好友的時裝觸角一流，至今亦不會覺得過時：「 好多時裝計師都講，30年後嘅今日，仲係好多人鍾意佢嘅形象，一啲都唔會覺得老土。」近年有不少人利用AI翻唱歌星的歌曲，但夏妙然覺得陳百強的歌聲是無可代替：「用唔同嘅方式去紀念陳百強，都係一份心意，就係懷念。」
【相關文章】：
陳百強65歲冥壽家人與歌迷設宴 91歲胡楓台上高歌 珍藏曝光懷念巨星風采
陳百強媽媽姚玉梅與金寶錶行創辦人誕子後離婚 將陳百強託付乾媽照顧
>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。
>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。
iPhone：https://apple.co/2IBi812
Android：https://bit.ly/2Pe8anu
>>>訂閱【加拿大星島網電郵快訊】，每天可收到最快新聞資訊電郵：
https://www.singtao.ca/subscribe/singtao.php
>>>立即關注加拿大星島新聞網TG Channel，讓加國新聞無遺漏全天候向你推送：
https://t.me/singtaoca
>>>訂閱CCUE YouTube 頻道，查看更多吃喝玩樂、生活資訊影片。
