独家丨朱咪咪乐做蠢女人避网骗:我唔识上网 快闪回港赚零用钱拒认“亿万富婆”

虚拟资产交易平台JPEX诈骗案，多位艺人肥妈、林作及庄锶敏等卷入其中。早前低调回港，71岁被封“亿万富婆”嘅朱咪咪自言落后，唔知乜嘢系虚拟货币，一向抱住唔识唔知就唔好掂嘅心态，避过一切诈骗陷阱，她重点提醒，“最紧要唔好贪心”，更温提老人家唔好怕被笑落后，自言out爆唔识上网，但生活仍然过得很好。采访：方骞平

对于被指“亿万富婆”，朱咪咪摊开手话自己唔系。

咪咪姐逢登台都有利是收。

咪咪姐休息得耐直言已变懒。

朱咪咪最怕有压力会好辛苦。

咪咪姐好念旧，回港为合作无间嘅老友演出。

近年咪咪姐陪两子及儿媳长居新加坡，留低老公马生(马德钟堂兄)在港揾食。近月咪咪姐低调返港几天，为一间合作多年的老字号金舖举行的周年晚宴助阵唱歌，又趁空档到老人院献唱做义工。 

咪咪姐在新加坡跟两个仔及两个新抱一齐住。

咪咪姐在新加坡享清福，唔使频扑反而消瘦咗。

咪咪姐会亲自打扫屋企当做运动。

得闲亲力亲为洗洗车。

咪咪姐今次返港亦有做义工更连走两场。

罕唱酒楼带起高潮

虽然“降呢”在酒楼演出，但咪咪姐依然敬业乐业，投入地享受小舞台，压轴演唱《千个太阳》、《相识也是缘份》、《禅院钟声》，咪咪姐更贯彻鬼马风格，提示观众要配合《千个太阳》嘅歌词，齐呼“好”及“正”，唔少观众用手机边影边和唱，台上台下打成一片，掀起全晚高潮，好热闹。提到早年曾经教路，提点张敬轩走埠登台时一定要“一闪遮三丑”，可是她当晚衣着却相当朴素。对此，咪咪姐笑说：“佢唱大台(舞台)嘛！而且我呢啲年纪闪唔起。”

咪咪姐甫现身即全场哄动。

咪咪姐好亲民。

好似巨星咁有好多铁粉。

好耐冇公开演出嘅咪咪姐好受欢迎。

咪咪姐呢位前辈好得人心。

咪咪姐发挥搞笑本能。

咪咪姐破例为合作无间嘅老号金行唱酒楼。

咪咪姐压轴演唱《千个太阳》、《相识也是缘份》、《禅院钟声》。

咪咪姐投入演出酒楼小舞台。

“中粉”入埋后台合照。

澄清变瘦因少淀粉

讲到阔别红馆舞台6年多，咪咪姐坦言一直有人招手，原本去年9月有计划在红馆开骚，却险被朋友“卖猪仔”，因而放弃档期：“都唔知有几多人叫我唱红馆呀，但我𠵱家都冇乜出嚟，又唔等钱使都唔恨做，之前做过9场啦，最怕有压力会好辛苦，加上休息得耐个人变懒，其实连“桥”都有埋，心思思时再算啦。”享紧清福的咪咪姐生活舒泰，她澄清唔系传说中因病及减肥而变瘦：“黐线！只系因为冇饭食，因为同囝囝住，佢哋唔食饭，冇淀粉质。𠵱家每朝我开车出去食碗汤粉，买啲日用品，傍晚求其食啲饺子及菜，煮完狗饭就带狗喺屋企附近散步，生活得不知几开心。”

2017年，朱咪咪在红馆开过《利利是是演唱会》，两子担任表演嘉宾。

咪咪姐曾在红馆做过9场个唱，以扮小凤姐造型最经典。

朱咪咪老公马生系马德钟堂兄。

靓仔老公马生。

咪咪姐每天傍晚饭后放狗。

咪咪姐长居新加坡，生活优悠。

太辛苦唔返TVB拍剧

对于被封“亿万富婆”，咪咪姐斩钉截铁话唔讲钱！但承认分别喺星、马及香港有物业，在大马更有铺位。问到可有投资虚拟货币？她即耍手拧头：“唔知乜嘢叫虚拟货币，完全唔识，只识得唱歌，其实做蠢女人系福气。”能够不愁生活做阔太，咪咪姐的致富之道一字咁浅，就系悭：“要积少成多，出粮就放入银行，有积蓄就投资买砖头，当年好好彩，蓄到2至3万就可以做首期，近年因为长时间不在港，九龙区物业连车位都放咗租。”

咪咪姐新加坡4000呎独立大屋，大到可以做埋录音室。

朱咪咪太子道逾千呎物业连车位现已放租。

朱咪咪强调从少女时期开始唱酒廊，对物质冇乜要求，不会穿金带银，她又指自己不及69岁肥妈咁叻识得上网。问到可曾遇过呃钱党？咪咪姐即坦承：“我唔懂财经，任何投资都唔识，对数字游戏好蠢，但细佬做股票，佢会帮我落闸，最重要我唔会为赚钱而心雄，因为贪字得个贫，紧记唔识嘅嘢唔好掂。”正因唔等钱使，咪咪姐跟TVB仍有艺员约都无意返去拍剧：“TVB有揾我拍剧，我答唔使客气喇！真系前世未辛苦过咩，挨更抵夜唔系老人家做，而且留喺香港两个月，做综艺还可以。”

咪咪姐虽然冇69岁肥妈及62岁李丽霞(黑妹姐)咁叻，但都能紧贴社会节奏。

今年初咪咪姐签返TVB拍贺年节目《新春开运王》，拍咗3天确诊新冠肺炎。

咪咪姐一向唔崇尚物质，由细到大登台都唔会穿金带银。

少女朱咪咪只默默唱歌，唔懂搞笑，但有好多机会。

咪咪姐最后拍摄的TVB剧集，是跟滕丽名合作的《陀枪师姐2021》。

留港期间跟TVB同事欢聚。