獨家丨葉巧琳跳彈床4個月勁減18磅 日本拍旅遊節目拍埋新歌MV圓夢

葉巧琳（Mischa）以RPG Game做主題的project《THE ODYSSEY OF FREYA》，推出第4首歌《無窮盡》，因她要到日本拍ViuTV節目，趁機在當地拍埋MV圓夢，更因此行積極減掉18磅，重整健康生活。採訪：杜杜 攝影：羅安強 髮型:Milk Chan@XENTER 化妝:Davina@CYRUS LEE MAKEUP TEAM 服裝:INITIAL FASHION 場地:Chat in studio

日本之行Mischa以工作為主，希望下年可再飛日本真正旅行。

Mischa認為《無窮盡》配合project的拳術師角色不斷死而復生，是對應她的音樂事業，因為喜歡音樂，10年來一直堅持，「期望作品出嚟嘅成績？會唔會感染到人？呢首歌啟發我放下，享受做緊嘅嘢，用呢個思考模式，自己都輕鬆咗，反而更加投入做嘢。」

Mischa好滿意現在磅數，希望可增肌，令身形更健美。

為行山舒服決心減肥

有關project接近尾聲，Mischa開心終能到日本取景拍MV，「之前3首歌都喺廠景拍，今次終於可以拍室外，就算熱到38度，幾辛苦都值得，真係好無憾，我要嘅嘢全部做到晒。」她還預告這個project好快會完成，「拍MV同錄音都完咗，11月應該出到最終章，雖然我未睇到完成品，但拍攝當日我好enjoy，出嚟應該會好正，大家可以期待吓！」

《無窮盡》MV中，Mischa做返自己演出較輕鬆。

邀請精於「飛躍道」 的特技人Ace參與MV演出。

Mischa去日本皆因為ViuTV拍攝以富士山為題的旅遊節目，由於要行山，她想行得輕鬆啲而扚起心肝減肥，「由6月脹爆到出發前減咗10磅，返嚟再減5磅，今日再磅又瘦3磅，總共瘦咗18磅。」眼見她細了兩個碼，全靠食少啲同郁多啲，「脹爆時夜晚會食好多嘢，𠵱家夜晚戒食澱粉質，健康到每朝飲蘋果醋、食維他命、甲狀腺藥，控制返個甲狀腺水平，仲每日喺屋企健身同跳彈牀，精神咗好多。」她又解釋之前停食甲狀腺藥原因，「我係有甲減（甲狀腺功能減退症 ），每次見醫生千千聲好貴，但唔食新陳代謝會慢、會肥。」

Mischa拍節目受傷，「行落山時傷咗膝頭，應該係肌肉唔夠。」

成功減肥的Mischa着衫更多選擇，在日本時大騷長腿。

Mischa飛日本前1個月，開始教男友餵愛貓食藥，未來可放心出埠。

《星島頭條》新網站有更多精彩內容：http://www.stheadline.com/