羅密歐與祝英台丨陳茵媺爆仔女睇父母新劇多問題 囡囡被周嘉洛吸引讚靚仔

陳茵媺（Aimee）、周嘉洛、徐榮、羅毓儀及古佩玲等今日（22日）到將軍澳為新劇《羅密歐與祝英台》宣傳，眾人在活動上玩默契遊戲，當玩到若看到睇另一半有親密場口時，陳茵媺就用手遮眼，她事後解釋是因為不想給壓力對方，所以當見唔到，之後在玩中槍、求婚遊戲，由黎學勤與馬海倫一組勝出，之後黎學勤便拉攏周嘉洛一起錫馬海倫。

【相關閱讀】：陳茵媺陳豪深圳湊仔搭地鐵 表現低調極貼地 北上陪老公拍劇帶三子女去溜冰

【點擊睇《羅密歐與祝英台》宣傳】：

陳茵媺、周嘉洛、徐榮等今日出席新劇《羅密歐與祝英台》宣傳。

陳豪因要工作，未能為新劇《羅密歐與祝英台》宣傳。

周嘉洛則指陳茵媺很有型

陳茵媺在台上玩遊戲。

陳茵媺又放飛吻。

陳茵媺玩遊戲時用手遮眼。

眾人玩得好投入。

黎學勤與馬海倫玩求婚遊戲。

黎學勤與馬海倫一組勝出。

黎學勤（左）拉周嘉洛一起錫馬海倫。

周嘉洛向觀眾派禮物。

陳茵媺大讚周嘉洛靚仔。

陳茵媺指囡囡Camilla覺得周嘉洛好靚仔，好有魅力。

陳茵媺透露大仔睇完劇後，叫她教轉槍。

陳茵媺被女兒要求在家裏不要太惡。

周嘉洛對陳茵媺女兒讚自己靚仔，笑言：「咁細個人品就咁好。」

陳茵媺與周嘉洛為新劇宣傳。

周嘉洛在劇中對游嘉欣一見鍾情。

周嘉洛笑言與游嘉欣已咀了幾次，坦言此劇兩人錫頗多。

周嘉洛現實中未試過對人一見鍾情。

古佩玲

鄭子誠

羅毓儀

羅毓儀

眾人為迎劇宣傳。

鄺潔楹表示劇中唱歌五音不全，其實只是戲劇效果。

鄺潔楹與徐文浩身高相差32cm。

徐文浩與鄺潔楹在劇中演情侶，二人大擺心心甫士。

徐文浩對早前流出在的士中與女子親暱片段，坦言公司事後有向他了解。

（左起）吳子冲、徐文浩、邵展鵬

（左起）邵展鵬、徐文浩、吳子冲及周嘉洛一同現身宣傳活動。

之後陳茵媺接受訪問，大讚周嘉洛靚仔，而周嘉洛則指陳茵媺很有型，兩人又指今次劇種很特別，甚麼種類也有，漫畫風格的畫面亦很有趣。陳茵媺早前帶三個小朋友到深圳探陳豪班，一家五口更在酒店房睇劇集首播，陳茵媺表示現在每天也會趕回家看劇，又指首次看爸爸媽媽演出的女兒Camilla有點混淆：「佢會問點解要射爸爸，我哋要同佢解釋，佢又覺得媽咪好Cool，爸爸好Funny，見到周嘉洛同游嘉欣錫又會問係咪真㗎？我就答佢有時都要借鏡。（之後同陳豪的親熱戲會否唔俾佢睇？）唔會，佢都見慣，OK嘅。」

陳茵媺拒帶仔女探班

陳茵媺指大仔看完後有叫她教轉槍，而女兒則叫她在家裏不要太惡，不要像電視般對待她，又指平日拍戲時因很多事情要兼顧，不想分心所以不會帶小朋友去探班。陳茵媺爆女兒看完劇後，覺得周嘉洛好靚仔好有魅力，問到女兒是否有要求見真身？陳茵媺說：「又未去到咁樣，如果係咁就弊喇！」周嘉洛聽後笑言：「咁細個人品就咁好。」

至於在劇中對游嘉欣一見鍾情的周嘉洛，笑言現在已咀了幾次，他坦言此劇兩人錫頗多，不過周嘉洛在現實生活中，未試過對人一見鍾情，有也是小時候對著老師和同學，覺得合眼緣就會鍾意。問到是否有人對他一見鍾情？周嘉洛說：「以我所知無，佢哋都係比我內在吸引。」不過周嘉洛指曾收過女生送的禮物。

徐文浩戒酒減少去酒吧

同場的鄺潔楹與徐文浩於劇中演情侶，兩人身高相差32cm，鄺潔楹笑言可像韓劇般賣「最萌身高差」，又表示劇中唱歌五音不全，其實只是戲劇效果。至於早前流出在的士中與女子親暱片段的徐文浩，有傳他因此事被雪，徐文浩指公司事後有向他了解：「但之後無嘢，（同個女仔有聯絡？）無聯絡，而家直情戒咗酒，淨係飲水，酒吧都少去。（怕咗同女仔單獨坐車？）最緊要行為做好，咁去邊都唔使驚 。」