前亞視小生甄志強罕談戀名媛趙金卿！自認唔窮非食軟飯 演過「展昭」拒認二打六
有「最帥展昭」之稱的前亞視小生甄志強（小強），當年在亞視出過不少劇集，其後一度轉投TVB發展，談到印象最深刻，一定是甄志強曾與大23年的富婆趙金卿拍拖，當時慘被冠上「軟飯王」，近日甄志強接受好友楊紹鴻的YouTube節目訪問，於當年與趙金卿的一段情，他坦言因為壓力太大而無疾而終！
【相關文章】：「最帥展昭」甄志強發福為晚宴演唱 近10中年富婆衝上台包圍豔福無邊
【點擊睇甄志強與趙金卿的一段情】：
甄志強當年在亞視劇集《碧血青天楊家將》飾演展昭，憑俊朗的外型令人印象深刻，但其後因為與比自己年長23年的富婆趙金卿拍拖而被冠上「軟飯王」的稱號，在節目上，甄志強坦言覺得「我拍拖有咩問題呢？」他更說：「只不過係有啲人夾硬去寫一啲橋段出嚟，好多人咁講，嗰陣係好唔開心，好老實講，我喺亞視嘅人工都唔算弱，唔怕講，當年交嘅稅項都接近20萬，淨係亞視份糧都未計其他。」
甄志強還說：「當然站喺嗰個人嘅立場，佢喺香港叫做有啲知名度，嗰啲人係用錢去衡量高低，嗰陣我仲年青，覺得我哋拍拖又唔關你事，但原來唔知傷害性有幾得人驚，做到展昭都被人叫『二打六』，咁都冇辦法呢，即係何家勁都係？佢哋係咪將一啲嘢夾硬扭曲嚟講呢？我真係唔係『二打六』喎，觀眾覺得做展昭算唔算係『二打六』？如果你覺得係，可能金超群都係！」
【點擊睇甄志強近年生活】：
甄志強承認戀情因壓力太大而無疾而終：「站喺佢嘅社交圈子裏面，佢真係會遇到好多商界嘅人，出嚟做生意都要畀面派對，有啲慈善活動又要捐錢之後又要出席活動，最初第一次去啲社交場合，佢叫咗我好耐，但係我就一路都唔想去，可能有一次某種情況激嬲咗我，我就一鼓作氣就去，死就死喇，於是乎啲人就開始報道。」他續說：「當然無疾而終係壓力太大，站喺我立場，叫做年青嘅時候，每個人都想尋求轟轟烈烈嘅愛情，結果真係轟烈。」
戀情告吹後，甄志強淡出香港娛樂圈，轉戰到上海發展，直到近年才回流返港，他坦言除了做義工，探訪下老人院又或者獨居老人，至於拍劇，甄志強坦言有想過繼續再拍戲，「但係睇機遇啦，叫我去𢲷撈我又做唔出，當然如果朋友叫到會幫手，好似上次培哥（導演何澍培）叫我幫手拍《PTU機動部隊》，我唔會話畀人聽而家要退出娛樂圈，退出唔再拍劇，睇情況喇，又唔係強迫性要自己做啲咩！」
>>>星島網WhatsApp爆料熱線(416)6775679，爆料一經錄用，薄酬致意。
>>>立即瀏覽【生活百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。
