星8卦｜“短发”唔识擦鞋得罪高层 挞着“有型”从此行衰运

“短发”鬼妹仔性格，又未受过专业训练，好快就做女主角，初时因为生硬俾人闹到几乎无得翻身。“高层”初时以为“短发”屋企有个钱，谂住捞到些少油水。可惜“短发”唔系好识捞，对“高层”无表示不特止，仲傻头傻脑话佢贪心，传番去“高层”耳中，梗系死得啦。

“高层”心肠一向小家唔成大器，一直等机会将“短发”玩残，而且周围话畀人知呢条女唔掂，又钟意勾引男人。等到开部畀“短发”好有发挥嘅新剧，“有型”对佢生滋猫入眼，加埋合作多日见夜见，两个人干柴烈火，越爱越激烈。“有型”前科唔干净，成日同合作开嘅女人搞暧昧，当日娶个老婆返嚟摆，点知越嚟越索，无非都系顶佢嘅花心唔顺，执正自己将来有乜都唔怕揾唔到下一个。

“短发”由于无经验，对“有型”投入太多感情，出唔番嚟，所以俾“高层”揾到机会入位，系咁同公司啲管理层话佢要入雪柜，因为已经严重违反演员操守，搞人老公罪大恶极㖞。最惨系几个单位对质时，“高层”竟然承认乜都系自己搞出嚟，因为好憎“短发”系要佢无得翻身。“短发”EQ劲高，听完之后，木无表情，无人知佢谂乜但自此之后，“短发”唔再信人，独来独往，都几阴功㗎！

【相关文章】：

星8卦｜“猛男”衰寸被杯葛 难得复出故态复萌火速被飞

星8卦｜“斯文”靠相睇嫁错郎 主动离婚搞到情绪病

星8卦｜“歌手”追错女同志 情定“鬼妹仔”全靠阿妈出绝招