Marf@COLLAR挑戰勁歌熱舞預告有特別嘗試 首部擔正劇集有口碑超想開續集

女團COLLAR成員之一的邱彥筒（Marf）昨日推出年度第三首單飛作品《//Undecided //》，今次作品繼續保持一貫勁歌熱舞風格，歌曲以矛盾為題，講述自己拉扯的思想，從而處於矛盾狀態而形成困擾，她說：「相信好多人心中都有呢份困擾，又想又唔想咁，但呢啲矛盾思想係控制唔到，所以今次首歌會有好多觀眾可以代入，勾起共鳴。」

【相關閱讀】：COLLAR新歌騷性感女人味   Candy被逼夾兩大隻型男中間勁抗拒

【點擊睇Marf@COLLAR新MV相】：

女團COLLAR成員之一的邱彥筒（Marf）昨日推出年度第三首單飛作品《//Undecided //》。

 

今次作品繼續保持一貫勁歌熱舞風格。

 

舞步令Marf叫爽！

 

形象千變萬化！

 

Maef坦言嘗試挑戰「男仔頭少少嘅嘢」。

 

Marf超級想《那年盛夏我們綻放如花》開續集。

 

 

今年Marf一口氣推出三首跳唱快歌，包括有《*~Silencio…Shh》、《fOoL##》、《// Undecided //》，但她直言《// Undecided //》的舞步令她感覺最爽：「聽到demo時，呢首歌本身係男聲，所以感覺好特別，而且一聽首歌畀到我嘅畫面已經係好好跳，因為我以往喜歡嘅歌及跳舞都係特別肉緊嘅類型，所以聽完demo後，我就想試下做呢首歌，嘗試挑戰男仔頭少少嘅嘢。」

拍劇受落感驚喜

除了舞步令Marf叫爽，今次MV的拍攝班底，亦以《那年盛夏我們綻放如花》為主，不過最令Marf回味，相信係MV中她與狗合作。作為愛犬之人，Marf表示：「今次拍攝都幾多難忘事，MV感覺似dance version，仲有隻都柏文出現，佢陪我拍咗兩、三個鐘，可以同狗一齊拍攝，好開心。」Marf亦透露今年還會推出一首歌，依舊是勁歌熱舞：「下首歌會係本年度全年總結，所以十分期待，而出年嘅歌曲安排中，會有特別嘗試。」

 

對於首部擔演劇集《那年盛夏我們綻放如花》獲得好口碑，外界更以神劇來形容，Marf聞言表示感激並說：「好驚喜，好開心大家咁鍾意，呢套劇令所有演員都好開心同好感動，本身冇期望太多，所有嘢都係做咗先算；嚟緊超級想開續集，期待同一個班底，做番同一件事，又或者係更刺激嘅事。」

 

---------------------------------------------

>>>立即瀏覽【移民百答】欄目：新移民抵埗攻略，老華僑也未必知道的事，移民、工作、居住、食玩買、交通、報稅、銀行、福利、生育、教育。

>>>即讀【新移民專欄】：新移民第一身經驗，與你分享當下年輕移民生活日常大小事，即讀「新移民專欄」。